Қаржыландыру мүмкіндігі туралы хабарлама – Жыл сайынғы бағдарлама туралы мәлімдеу

АҚШ МЕМЛЕКЕТТІК ДЕПАРТАМЕНТІ

АҚШ ЕЛШІЛІГІ, НҰР-СҰЛТАН – АҚШ БАС КОНСУЛДЫҒЫ, АЛМАТЫ, ҚОҒАММЕН БАЙЛАНЫС ЖӨНІНДЕГІ БӨЛІМДЕР

Қаржыландыру мүмкіндігі туралы хабарлама – Жыл сайынғы бағдарлама туралы мәлімдеу

Қаржыландыру мүмкіндігінің атауы:  Жыл сайынғы бағдарлама туралы мәлімдеу

Қаржыландыру мүмкіндігінің нөмірі:  DOS-KAZ-NS-PAS-22-002 

Өтінімдерді қабылдаудың соңғы мерзімі: Ауыспалы ұсыну мерзімі:                                                              

бірінші мерзім – 2022 жылғы 29 сәуір; екінші мерзім – 2022 жылғы 15 маусым.

CFDA нөмірі:  19.040 – Қоғамдық дипломатия бағдарламалары

Жеке гранттың ең жоғары сомасы: $40,000   

БАЙЛАНЫС АҚПАРАТЫ

  • Осы өтінімнің талаптарына байланысты көмек алу үшін келесі электрондық поштаға хабарласыңыз: KZ-PAS-Proposals@state.gov 
  • Жанама шығындардың мөлшерлемесі туралы келісімді (NICRA) алу процесі туралы сұрау үшін HunterDS@state.gov электронды пошта арқылы Дональд Хантерге хабарласыңыз.. 

Өтінім берушілер мен сұраулардың көптігіне байланысты, Қоғаммен байланыс жөніндегі бөлім (ҚБЖБ) ниет білдіру хаттарын, тұжырымдамалық құжаттарды немесе өтінім беру алдында кездесулерге немесе телефон қоңырауларына сұраныстар қабылдамайды.

Өтінімнің пакетін толығымен алуды қамтамасыз ету – өтінім берушінің міндеті. Аяқталмаған өтінімдер жарамсыз болып саналады. Өтінім берушілерді өтінім берудің соңғы мерзімінен бұрын бастауға шақырамыз. Қажетті қадамдарды аяқтамаған ұйымдарға ерекше жағдайлар жасалмайды.

Бағдарлама сипаттамасы

АҚШ Мемлекеттік департаментінің Нұр-Сұлтандағы АҚШ Елшілігі жанындағы және АҚШ-тың Алматыдағы Бас консулдығы жанындағы қоғамдық байланыс жөніндегі бөлімдер (ҚБЖБ) Қоғамдық дипломатия гранттары бағдарламасы арқылы қаржыландыруға қол жеткізуге болатынын қуана хабарлайды. Бұл біздің қаржыландыру басымдықтарымызды, біз назар аударатын стратегиялық тақырыптар мен қаржыландыруға өтінім беру тәртібін сипаттайтын Жыл сайынғы бағдарлама туралы мәлімдеу. Төмендегі барлық нұсқауларды мұқият орындауды сұраймыз.

Қоғамдық дипломатия гранттары бағдарламасының мақсаты: ҚБЖБ ортақ құндылықтарды, озық тәжірибені атап өту және екі жақты ынтымақтастыққа ықпал ету үшін Құрама Штаттар мен Қазақстанның арасындағы мәдени, білім беру және кәсіби байланыстарды нығайтатын және бағдарламаның басым саласын қолдайтын бағдарламалар бойынша өтінімдерді қабылдайды (төменде қараңыз). Ұсынылған барлық бағдарламалар АҚШ-тың саясаты мен болашағын тереңірек түсінуге көмектесу үшін маңызды американдық элементті немесе американдық сарапшылармен, ұйымдармен немесе мекемелермен байланысты қамтуы керек. Конкурстық ұсыныстар жобаның мақсаттарына қол жеткізуде аудиторияларды нақты анықтайды және олардың негізгі рөлді қалай атқаратынын түсіндіреді, сондай-ақ жоба аяқталғаннан кейін де Құрама Штаттар мен Қазақстан халықтары арасындағы ынтымақтастықты жалғастыруға/тұрақты ықпал ететін болады.

Бағдарламалардың үлгілері, атап айтқанда, мыналарды қамтуы мүмкін:

  • Кәсіби және академиялық алмасулар, тренингтер мен бағдарламалар;
  • Академиялық және кәсіби дәрістер, семинарлар және сөз сөйлеу бағдарламалары;
  • Көркем және мәдени шеберлік сыныптары, бірлескен қойылымдар мен көрмелер; және
  • Мәдени мұраны сақтау бағдарламалары.

Бағдарламаның басым бағыттары:

  1. Қоғамның дезинформацияға төтеп беру қабілетін тұрақтандыруды қолдау

Қазақстанда өсіп келе жатқан және әртараптандырылып жатқан медиа нарық және объективті, кәсіби журналистикаға сұраныс байқалуда. Сонымен қатар, жаңалықтарды, оқиғаларды және ақпарат алмасуды онлайн тұтыну бұрынғыдан қарағанда әлдеқайда жоғары, соның ішінде хабар алмасу қосымшалары арқылы. Құрама Штаттар егеменді және тәуелсіз Қазақстанды қолдайды, ол өзін жалған ақпараттан қорғай алатын және объективті, редакциялық-әр түрлі ақпарат көздеріне қалай қол жеткізуге, пайдалануға және алмасуға болатындығын жақсы түсінетін, жақсы ақпараттандырылған, парасатты қоғамға қолдау көрсетеді.  АҚШ елшілігі қолдауға мүдделі жобалар келесі маңызды мәселелердің кез-келгенін алға жылжыту үшін АҚШ-тың алдыңғы қатарлы білімі және тәжірибесімен бөліседі:

  • Ақпарат саласындағы қазақстандық мамандардың (журналисттердің, кітапханашылардың, оқытушылардың, профессорлардың) өз аудиториясымен объективті, редакциялық-алуан түрлі ақпарат көздерін пайдалануын кеңейту.
  • Азаматтық қоғамды, қоғамдық пікір жетекшілерін, әсер етуші тұлғаларды және жаңа көшбасшыларды COVID-19 және денсаулық туралы жалған ақпараттарды қоса алғанда, жалған ақпарат ағынын шешуге және оған қарсы тұруға қолдау көрсету.
  • Ағылшын тілді қазақстандық аудитория арасында ағылшын тіліндегі ақпараттың теңтүпнұсқалы және объективті көздерін пайдалануға көмек көрсету.
  1. Демократиялық институттар мен адам құқықтарын қолдау: 

АҚШ үкіметі күшті демократиялар азаматтық құқықтар мен адам құқықтарын құрметтеу, заңның үстемдігі мен әлеуметтік әділеттілікті құрметтеу және проблемаларды шешуге көмектесу сияқты негізгі құндылықтарды қолдайды деп санайды.  АҚШ елшілігі білім беру және өнер арқылы адам құқықтарын инновациялық тұрғыдан ілгерілететін немесе келесі салалардың кез келгенінде осы өзара құндылықтарды ілгерілететін қазақстандықтармен немесе қазақстандық ұйымдармен ең үздік америкалық практикалармен, тәжірибемен және біліммен бөлісетін жобаларды қолдауға мүдделі:

  • Журналистердің құқықтарын және тәуелсіз және еркін бұқаралық ақпарат құралдарына қол жетімділікті қолдау.
  • Азаматтық қоғамның нақты әлеуметтік топтардың қажеттіліктерін қорғауға және оларға құқықтық, медициналық, әлеуметтік және басқа қызметтерге қол жеткізуге көмектесу мүмкіндігі мен қабілетін қолдау.
  • Әйелдер мен басқа да маргиналды қауымдастықтар арасындағы экономикалық және саяси теңсіздікті жою мақсатында гендерлік теңдікті қолдауды күшейту.
  • Гендерлік зорлық-зомбылық туралы хабардарлықты арттыру және отбасындағы зорлық-зомбылыққа қарсы бастамаларды қолдау.
  1. Әділ, климатқа бағдарланған және орнықты энергетикалық болашаққа негізделген инклюзивті, әртараптандырылған экономикалық өсуді қолдау: 
Қазақстан Үкіметі парниктік газдар шығарындыларын азайту, оның ішінде 2060 жылға қарай көміртегі бейтараптығына қол жеткізу жөніндегі мақсаттар туралы жариялады.  Алайда, парниктік газдар шығарындылары 1990 жылғы деңгейден 2018 жылы 4,1%-ға асып түсті және Париж келісімі аясында климат бойынша оның міндеттемелері ретінде Қазақстанмен белгіленген мақсаттардың 2030 жылға дейінгі кезеңге 33% – ға арту жолында тұр.  Экономика мен мемлекеттік бюджеттердің едәуір бөлігі көмірсутектерді өндіру мен пайдалануға байланысты.  Климаттың өзгеруі Қазақстанды тұрақсыздандыруы мүмкін және бұл мәселені шешу АҚШ үкіметінің басымдығы болып табылады.  АҚШ елшілігі сондай-ақ жеке сектордағы басшылық лауазымдарға ерекше назар аудара отырып, әйелдердің экономикаға қатысу деңгейін арттыруға бағытталған бастамаларды қолдауға мүдделі.  Қазақстандағы АҚШ өкілдігі америкалық инновациялармен, озық тәжірибемен немесе мынадай салалардағы тәжірибемен алмасу жөніндегі ұсыныстарды қолдағысы келеді:
  • Климаттық факторларды, сондай-ақ олардың бизнес-процестерге кірігуін ескеретін саясатты, бағдарламалар мен технологияларды хабардар етуді арттыру және қолдау.
  • Қолжетімді жаңартылатын энергия көздерін, оның ішінде өнеркәсіптік ұйымдар үшін жылжыту және энергия тиімділігін арттыру.
  • Әртараптандырылған, дамымаған салаларда шағын және орта кәсіпорындарды дамыту үшін қажетті кәсіпкерлік мүмкіндіктер мен дағдыларды кеңейту.
  • Әйелдердің кәсіпкерлік қызметке қатысуын және басшылық рөлін кеңейтуге көмек көрсету.

Тиісті заңнама, қаржыландыру түрі және жылы:

Осы бағдарлама Қоғамдық дипломатияның тиісті рұқсаты бойынша қаржыландырылатын болады.  Барлық бағдарламаларға заңда белгіленген қаржыландыру шектеулері қолданылады.  

Федералдық грант туралы ақпарат

Қаржыландыру құралының түрі: Ынтымақтастық туралы келісім және / немесе Грант

Жобаны орындау мерзімі: 9-12 ай

Болжамды гранттар саны: 7 (сомасына байланысты)

Жеке гранттың сомасы: гранттар ең азы 5000 АҚШ долларынан бастап ең көбі 40 000 АҚШ долларына дейін өзгеруі мүмкін.

Қаржыландыру түрі: 2022 қаржы жылына арналған қоғамдық дипломатияны қаржыландыру

Бағдарламаның болжамды басталу күні: сәуір айының соңғы мерзіміне дейін берілген өтінімдер үшін 2021 жылғы 30 маусым; маусым айының соңғы мерзіміне дейін берілген өтінімдер үшін 2021 жылғы 15 қыркүйек.

Бұл хабарлама қаржы бөлінген жағдайда қолданылады.

Қоғаммен байланыс жөніндегі бөлім қаражат алғанға дейін және тағайындалған грант қызметкерімен бекітілгенге дейін АҚШ үкіметінің ең жақсы мүдделеріне жауап беретін деп саналатын жағдайларда сипаттамада көрсетілгеннен аз немесе көп соманы беру құқығын өзіне қалдырады.

Қаржыландыру құралының түрі: Грант немесе Ынтымақтастық туралы келісім. Ынтымақтастық туралы келісімдердің гранттардан айырмашылығы, ҚБЖБ қызметкерлері жобаны жүзеге асыруға неғұрлым белсенді қатысады және грант берілгеннен кейін қалыпты немесе елеулі түрде қатысады деп күтіледі.

  1. Қатысу талаптары туралы ақпарат  
  2. Келесі коммерциялық емес қазақстандық және американдық ұйымдар мынадай өтінім беруге құқылы:
  • коммерциялық емес ұйымдар
  • азаматтық қоғам ұйымдары / үкіметтік емес ұйымдар  
  • талдау орталықтары 
  • мемлекеттік және жеке білім беру мекемелер
  1. Қаржыландырудың осы мүмкіндігі үшін шығыстарды бірлесіп жабу немесе салыстыру талап етілмейді.
  2. Грант алуға құқылы болу үшін барлық ұйымдар www.SAM.gov жарамды тіркеуден өтуі керек. D бөлімін қараңыз. Тіркеу туралы қосымша ақпарат алу үшін қажетті тіркеулер.
  3. Осы грант келесі бағыттарды қамтымайды:
  • саяси үгіт-насихат қызметіне байланысты жобалар;
  • қайырымдылық немесе даму қызметі;
  • құрылыс жобалары;
  • діни қызметті қолдайтын жобалар;
  • қаражат жинау;
  • заңдарды немесе бағдарламаларды лоббилендіру;
  • ғылыми зерттеулер немесе сауалнамалар;
  • коммерциялық жобалар;
  • негізінде ұйымның өсуіне немесе институционалды дамуына арналған жобалар;
  • қолданыстағы жобаларды қайталайтын жобалар; немесе
  • заңсыз әрекеттер.

Өтінім және өтінім ұсыну туралы ақпарат

Төмендегі барлық нұсқауларды мұқият орындаңыз. Осы хабарландырудың талаптарына сай келмейтін ұсыныстар қарастырылмайды. 

Өтінімнің мазмұны мен нысаны

Келесі талаптарды орындау қажет: 

  1. өтінімде осы хабарламаның мақсаттары, аудиториясы және міндеттері нақты анықталған;
  2. барлық құжаттар ағылшын тілінде ұсынылған;
  3. барлық шығындар АҚШ долларында көрсетілген;
  4. барлық беттердің нөмірлері қойылған; 
  5. барлық құжаттар 8 ½ x 11 форматында ұсынылған. 
  6. барлық Microsoft Word құжаттары дара интервалымен, Times New Roman 12-әрпімен басылған және шетінен кемінде 1 дюйм жолақ қалтырылған; 
  7. әр түрлі қажетті нысандардың арнайы жерлерінде өтінім берушінің қол таңбалары қойылған.

Өтінімді берудің соңғы мерзімі

Өтінімдер келіп түсуіне байланысты қабылдана береді. Қабылдау комиссиясы өтінімдерді соңғы мерзімінен кейін 30 күн ішінде қарайды. Қаржы болған кезде ертерек ұсынылған өтінімдердің қаралу ықтималы жоғары болады, сондықтан өтінімдерді мүмкіндігінше тезірек жіберу ұсынылады.

Қоғаммен байланыс жөніндегі бөлім өтінімдерді жыл бойы қабылдайды және оларды келесі кесте бойынша қарайды:  

  • Бірінші мерзімі: 2022 жылғы 29 сәуір 
  • Екінші мерзімі: 2022 жылғы 15 маусым. * 2022 жылғы 15 маусымнан кейін алынған өтінімдер қабылданбайды

Өтінім беру процессі: Үміткерлерге өтінім берудің екі әдісі бар. Өтінім берушілер төменде көрсетілген А немесе В әдісін қолдана отырып өтінім бере алады.

  • Өтінім берудің А жолы: Өтінімдердің барлық материалдарын тікелей KZ-PAS-Proposals@state.gov электрондық пошта мекенжайына жіберу керек. Өтінімді электрондық пошта арқылы KZ-PAS-Proposals@state.gov беруге шешім қабылдаған үміткерлерге хаттың тақырыбында қаржыландыру мүмкіндігінің атауы мен нөмірін көрсету қажет.  
  • Өтінім берудің B жолы: Өтінімнің барлық материалдарын жіберу Grants.gov арқылы.  Grants.gov арқылы өтінім беруге шешім қабылдағандар үшін http://www.grants.gov өтінім беру процесі туралы егжей-тегжейлі нұсқаулар көрсетілген. Grants.gov қатысты сұрақтар бойынша 1-800-518-4726 телефоны бойынша Grants.gov байланыс орталығына қоңырау шалыңыз немесе https://www.grants.gov/support.htmlсілтемесіне өтіңіз. KZ-PAS-Proposals@state.gov техникалық мәселелерді немесе Grants.gov-қа байланысты мәселелерді шешуге көмектесе алмайтынына назар аударыңыз

Қажетті тіркеу түрлері 

Гранттарды басқару жүйесінде (SAM) шығарылған тараптардың тізімдер жүйесінде (EPLS) көрсетілген кез келген өтінім беруші 2 CFR 180-де АҚШ Басқару және бюджет қызметінің нұсқауларына сәйкес көмек тағайындауына өтінім беруге құқығы жоқ, соған сәйкес 12549 әкімшілік жарлықтары жүзеге асырылады (3 CFR, 1986 Comp., 189 бет) және 12689 (3 CFR, 1989 Comp., 235 бет), «Қызметті тоқтату және оған тыйым салу». Сондай-ақ, EPLS-те аталған ұйымдардың ешқайсысы грант аясында қандай да бір қызметке қатыса алмайды. Барлық үміткерлерге оған қатысуға құқығы жоқ заңды тұлғаның қосылмағанына көз жеткізу үшін SAM-да EPLS-пен танысуға кеңес беріледі.

Грант алуға үміткер барлық ұйымдар (жеке тұлғалардан басқа) тіркеуден өтуі тиіс.  Олардың бәрі тегін:

  • NCAGE/CAGE коды 
  • www.SAM.gov тіркелу  

Тіркелу үшін келесі қадамдарды орындау қажет: 

  • 1 қадам: NCAGE нөмірін алуға өтінім беріңіз 
  • NCAGE кодын алу үшін өтінім: Өтінім беру парақшасы осында (бірақ үлкейту әйнегі белгішесін басып, төмен жылжытып, «Жаңадан тіркеу» батырмасын басу керек) https://eportal.nspa.nato.int/AC135Public/scage/CageList.aspx
        1. NCAGE өтінім беру процесі жөніндегі нұсқаулықтар:https://eportal.nspa.nato.int/AC135Public/Docs/US%20instructions%20for%20NSPA%20NCAGE.pdf
          1. Көмек алу үшін 1-888-227-2423 (АҚШ үшін) телефоны арқылы хабарласуға болады
          2. Көмек алу үшін 1-269-961-7766 телефоны арқылы хабарласуға болады (басқа елдер үшін)
        2. NCAGE кодын алуға қатысты кез-келген мәселемен байланысуға арналған электрондық пошта: NCAGE@dlis.dla.mil . NCAGE кодын алғаннан кейін,  https://www.sam.gov / кіре отырып, SAM тіркелу үшін өтіңіз. 
  • 2 қадам: NCAGE алынғаннан кейін SAM тіркеуді www.SAM.gov жалғастыру керек . 

Grants.gov қолданатын үміткерлерге Grants.gov-та өтінімді бергенге дейін тіркелу қажет. Grants.gov-та тіркелу бұл бір реттік процесс, алайда, тіркеуді тексеру және растаудың екі аптаға созылуы мүмкін. Өтінімді берудің соңғы мерзімі аяқталғанға дейін процестің алдын ала аяқталуы үшін тіркеу процесін дереу бастауды сұраймыз. Бұл процесс аяқталғанға дейін сізге өтінімді беру үшін қажет Grants.gov арналған пайдаланушының құпиясөзі берілмейді.  NCAGE/CAGE кодын алу және SAM.gov тіркелу үшін жоғарыда көрсетілген қажетті қадамдарды орындағаннан кейін, Grants.gov тіркеуді аяқтауға арналған келесі қадамдарды орындаңыз: 

1 қадам: SAM тіркеуі расталғаннан кейін, Grants.gov ұйымын тіркеуді http://www.grants.gov/web/grants/applicants/organization-registration.html жалғастыру қажет. Ұйымдар SAM (www.SAM.gov ) грант беру жөніндегі Федералды агенттіктің қарауында болатын қолданыстағы федералды гранты немесе өтінімін өзекті ақпаратпен кез келген уақытта белсенді түрде тіркеуі тиіс. SAM тіркеудің жыл сайын жаңартылуы керек. Өтінімдердің көлемін ескере отырып, қараудың мерзімі 90 күнге созылуы мүмкін және біз ұсыныстарды алғанымызды жеке растай алмаймыз

2 қадам: Өзіңізді Ұйымның уәкілетті өкілі (ҰУӨ) ретінде тіркеңіз және www.grants.gov-та өз ұйымыңыздың уәкілетті өкілі ретінде кіріңіз.

Үміткерлер Америка Құрама Штаттары мен Қазақстанда барлық қажетті тіркеулер мен құқықтарға ие болуы тиіс. Зияткерлік меншіктің барлық пікірлері мен құқықтары Құрама Штаттарда толық сақталуы керек және 

Кез келген ұйым (екінші алушы) сондай-ақ жоғарыда сипатталған АҚШ пен Қазақстанның барлық талаптарына сәйкес келуі тиіс.

* Құрама Штаттарында білім алу немесе оқу мүмкіндіктеріне қызығушылық танытқан адамдар қол жетімді бағдарламалар туралы қосымша ақпарат алу үшін https://kz.usembassy.gov/education-culture / кіруі керек.

Өтінімге қойылатын техникалық талаптар                      

Өтінім беру кезінде үміткерлер төмендегі 1-5 бөлімдердегі келесі құжаттарды және мәліметтерді белгіленген тәртіп бойынша қамтулары керек: 

1 тарау – 424 Family стандарт нысаны

Барлық ұсынылған материалдар Федералды көмек алу үшін SF-424 өтінімін (1-қосымша) және құрылысқа қатысы жоқ SF-424А бюджеттік ақпаратын (2-қосымша) қамтуы керек. Оларды толтыру бойынша барлық нысандар мен нұсқаулықтар http://www.grants.gov/web/grants/forms.html «SF-424 отбасы» бөлімінде қол жетімді.  ЕСКЕРТПЕ: SF-424B тек SAM.gov-қа тіркелмеген немесе 2019 жылдың 2 ақпанынан бастап SAM.gov-қа қайта тіркелгенін растаған және онлайн-растау мен сертификаттауды аяқтаған үміткерлер үшін қажет.  Осы нысанда өтінім берушінің тиісті қолының қойылуы тиіс.

Мыналарға назар аударуыңызды сұраймыз: 

  1. Ұсыну үшін ТАЛАП ЕТІЛМЕЙТІН, бірақ сіздің қаржыландыруға өтініміңіз бекітілген жағдайда сұралуы мүмкін басқа материалдар мыналарды қамтиды:
    1. Соңғы екі (2) жылдағы ұйым аудитінің немесе бағдарламасының көшірмелері
    2. Адам ресурстары, қаржы немесе сатып алу саласындағы тиісті саясаттардың көшірмелері
    3. Басқа тиісті ұйымдастырушылық директивалардың немесе құжаттардың көшірмелері Департаментке Сіздің ұйымыңыздың шетелде федералды гранттарды басқару мүмкіндіктерін анықтауға көмектеседі.
  2. Елшілік ұсынысқа қатысты кез-келген қосымша бағдарламалық және/немесе қаржылық ақпаратты сұрауға құқылы.  

2 тарау – Ұйым туралы ақпарат  

  1. Үміткердің ұйымдастырушылық ақпараттық парағы: Үміткерлер ұсынылған нысанды толтырып жіберуі керек (3-қосымша). Осы нысанда өтінім берушінің тиісті қолының қойылуы тиіс.  
  2. Тіркеуді растау: Ұйымның тіркеу көшірмесі ұсынысқа өтініммен бірге ұсынылуы керек. АҚШ-та орналасқан ұйымдар АҚШ Салық Басқармасы қаулысының көшірмесін ұсынуы керек. Қазақстанда орналасқан ұйымдар тиісті мемлекеттік ұйымнан өзінің тіркеу туралы куәлігінің көшірмесін ұсынуы тиіс.

3-тарау – Техникалық ұсыныс

Үміткерлер толық сипаттамалық ұсынысты өздері таңдаған форматта ұсынуы керек немесе олар берілген ұсыныс үлгісін қолдана алады (4-қосымша). Ұсыныстың көлемі он екі (12) беттен аспауы тиіс.  Ұсынысты сенімді және салмақты ететін нәрсе туралы толығырақ ақпарат алу үшін төмендегі G бөлімінде көрсетілген бағалау критерийлерін қараңыз. Барлық ұсыныстардың келесі салаларға қатысты болуы керек:

  • ұйымның сипаттамасы мен мүмкіндіктері;
  • жобаның негіздемесі, тұрақтылығы және әсері;
  • жобаның мақсаттары, аудиториясы, міндеттері, шаралары және нәтижелері;
  • іске асыру мерзімі;
  • бақылау және бағалау (төмендегі ескертуді қараңыз)

Бақылау және бағалау 

  • Тиімділік мониторингінің жоспары (ТМЖ): Ұсыныстар мониторинг және бағалау (МБ) жоспарының жобасын және Тиімділік мониторингінің жоспарын (ТМ) қамтуы тиіс. Ұсынылған ТМЖ үлгісін (5-қосымша) пайдалана отырып, үміткерлер өздерінің гранты бойынша қызметке мониторингті және бағалауды қалай жүзеге асырғылары келетінін сипаттауы және олардың қызметінің нәтижелерін қадағалауға мүмкіндік беретін деректерді жинауы тиіс. Сондай-ақ, өтінім беруші жоба бойынша қызметтің күтілетін нәтижелерге қалай әкелетінін көрсету үшін «егер-онда» өтінімін ұсынуы тиіс. Сондай-ақ, өтінім беруші өзі ұсынатын қызмет түрлері мен көрсеткіштері көрсетілген қысқаша кестені толтыруы тиіс.  Деректер кестесінің мақсаты нәтижесінде ҚБЖБ мақсатына қол жеткізуге бағытталған жоба бойынша іс-әрекеттің маңызды нәтижелеріне (мысалы, біліктілікті арттыру, білім немесе бенефициарлардың қарым-қатынасы) қалай әкелетінін нақты көрсету болып табылады. 

4 тарау – Бюджет

  1. Бюджет және бюджет туралы толық ақпарат: Үміткерлер бюджеттің толық негіздемесі мен сипаттамасын ұсынуы керек. Үміткерлерге қаржыландыру мүмкіндігімен бірге берілген үлгіні пайдалануға кеңес беріледі, бірақ бұл міндетті емес (6-қосымша). Баптар бойынша шығыстардың мүмкінінше толығырақ көрсетілуі тиіс. Қызметкерлердің жалақысы грантты беруге байланысты қызметке әр қызметкердің жұмсаған уақытының пайыздық үлесін жабуы тиіс жұмыс көлемі мен төлем мөлшерлемесін қамтуы тиіс.  Егер сіздің ұйымыңыз жанама шығындар мөлшерлемесі бойынша ақы алса, сіз оны өзгертілген жалпы бюджеттік шығындарға (ӨЖБШ) қолдануыңыз керек,  2CFR §200.68 қараңыз.  Берілген форматқа сәйкес келмейтін бюджеттер қарастырылмайды. Бюджеттер АҚШ долларымен ұсынылуы керек, ал гранттарды беру туралы түпкілікті келісімдер АҚШ долларымен жасалады. 
  2. Аудиторлық тексеруге қойылатын талаптар: Стандартты ережелер мен шарттарда Мемлекеттік департаменттің гранттарына арналған аудитке қойылатын талаптарға назар аударуыңызды сұраймыз https://www.state.gov/m/a/ope/index.htm и 2CFR200, F бөлімшесі – Аудитке қойылатын талаптар.  Талап етілетін аудиттерді жүргізуге арналған шығыстар тағайындалған грант бойынша рұқсат етілген тікелей шығыстардың шотына жатқызылуы немесе гранттың егжей-тегжейлі бюджетінде ұйыммен белгіленген жанама шығыстарға енгізілуі мүмкін.
  3. Визалық алымдар: Егер қажет болса, визаға қатысты барлық өтінімдер мен байланысты төлемдерді бюджетіңізге қосыңыз.  Аяқталғаннан кейін қаржыландырылатын бағдарламаларға арналған DS-2019 тікелей грант алушымен ұсынылуы керек екенін ескеріңіз.  Егер сіз бағдарламаңыз DS-2019 визасын рәсімдеуді қамтиды деп ойласаңыз, сіздің ұйымыңыз тіркелген Демеуші ұйым болуы керек.  Толығырақ ақпаратты https://j1visa.state.gov/sponsors/become-a-sponsor / алуға болады 

5-тарау — Негізгі қызметкерлер және жобаның серіктестері

  1. Негізгі қызметкерлер: Жоба директоры және Қаржы мәселелері жөніндегі қызметкер сияқты ұсынылатын негізгі қызметкерлер үшін, сондай-ақ кез келген баяндамашылар немесе нұсқаушылар үшін (егер қолданылса) бір беттен аспайтын түйіндеменің енгізілуі тиіс.  Егер осы типтегі лауазымға үміткер анықталмаса, өтінім беруші түйіндеменің орнына осы лауазымға қажетті біліктілік пен дағдыларды көрсете отырып, лауазымның сипаттамасын 1 бетте ұсына алады.
  2. Жобаның серіктестері: Ұсыныс хаттары екінші алушыларға немесе басқа серіктестерге енгізілуі керек. Хаттарда белгіленуі тиіс қатынастардың түрі (ресми немесе бейресми), жоба бойынша ұсынылатын қызметке байланысты әр серіктестің рөлі мен міндеттері және серіктестіктің күтілетін нәтижесі көрсетілуі тиіс.  Жеке хаттардың көлемі 1 беттен аспауы керек.

Өтінімдерде қолданылатын арнайы таңбалар

Grants.gov файлдар тіркемесінің атауларында UTF-8 барлық арнайы таңбаларын қабылдамайды. Үміткерлер UTF-8 таңбалар жиынтығынан барлық арнайы таңбаларды өтінімдер мен Grants.gov-та ақпаратты берген кезде енгізе алады. Алайда, егер грант берушінің жүйесі осы арнайы таңбалармен әлі сәйкес келмесе, онда ол өтінімдегі бұрмаланған немесе жоқ мәтінді шығаруы мүмкін. Нәтижесінде өтінімнің қабылданбауы мүмкін.

  1. Өтінімдерді қарау және іріктеу процессі                                                    
  2. Өтінімді алғандығын растау. Үміткерлер өз ұсыныстарының алғандығы туралы растама алады.
  3. Өтінімді қарау. Барлық ұсынылған материалдар техникалық жарамдылық тұрғысынан тексеруден өтеді. Егер өтінімде аталған қажетті нысандардың/құжаттардың қандай да бірі болмаса, ол жарамсыз болып саналады және оны гранттарды қарау жөніндегі комитет қарамайды. Техникалық шолу жөніндегі комиссия ұсынысты осы ҚМХ-да көрсетілген критерийлер негізінде қарайды. 
  4. Соңынан берілетін хабарлама.  Үміткерлер, әдетте, комиссияның тексеру нәтижелері туралы ҚМХ-ның соңғы мерзімінен кейін 90 күн ішінде хабардар етіледі. 

Өтінімді бағалау критерийлері                                                                

Критерийлер: Осы хабарландыруға сәйкес берілген әр өтінім төменде көрсетілген критерийлердің негізінде бағаланатын болады. Критерийлер ұсынылған жобаның сапасын бағалауға және оның сәттілік ықтималдығын анықтауға арналған. 

  • Бағдарлама идеясының сапасы мен орындылығы – 20 ұпай: Бағдарламаның идеясы инновациялық және жоба бойынша іс-әрекеттің қалай жүзеге асырылатыны туралы жеткілікті тұрғыдан егжей-тегжейлі әзірленген болуы тиіс. Ұсыныстар өзіндік ерекшелігін көрсетіп, нақты, қол жетімді мақсаттарды көрсетуі керек. Ұсыныс іске асырудың ақылға қонымды мерзімдерін қамтиды. Жобаның көлемі жеткілікті және нақты анықталған болып табылады. 
  • Ұйымдастыру әлеуеті және бұрынғы гранттарды есепке алу – 10 ұпай: 
      • Жобалық ұсыныс ұйымның жобаны жүзеге асыру үшін жеткілікті сараптамалық білімге, дағдыларға және адами ресурстарға ие екендігін көрсетеді.
      • Ұйым оның жобамен шешілетін негізгі мәселе туралы нақты түсінігінің бар екенін көрсетеді.
      • Ұйым сәтті жоспарлау мен жауапты қаржылық басқару қабілетін көрсетеді. Бұл қаржылық басқару жүйесін және банктік шотты қамтиды. 
      • Бұрын грант бойынша қаражат алған үміткерлер қолданыстағы ережелер мен қағидаларды сақтады. 
      • Серіктестердің сипаттамасы келтірілген жағдайларда өтінім беруші әр серіктестің тиісті рөлін егжей-тегжейлі сипаттайды және жобаға және қаржылық басқаруға жауапты тұлғалар үшін өмірбаян деректерін (түйіндемесін) ұсынады. Ұсынылатын қызметкерлер, институционалдық ресурстар және серіктестер барабар және сәйкес болып табылады
  • Жобаны жоспарлау / мақсаттарға жету мүмкіндігі – 25 ұпай: Жобаның жоспары іс-шаралардың қалай жүзеге асырылатындығы туралы жеткілікті түрде егжей-тегжейлі жасалған. Ұсыныста мақсатты аудиториялар, қатысушылар жиынтығы және іске асырудың географиялық бағыттары көрсетілген. Ұсыныста нақты, қол жеткізуге болатын мақсаттар көрсетілген. Ұсыныс іске асырудың ақылға қонымды мерзімдерін қамтиды. Жобаның көлемі жеткілікті және нақты анықталған болып табылады.
      • Ұйымның әлеуметтік немесе дәстүрлі бұқаралық ақпарат құралдарын қалай пайдаланатынын немесе осы мәселе бойынша ақпарат алатынынан және негізгі қатысушылардан тыс қызмет туралы білімінен басқа адамдардың санын көбейтетінін көрсететін медиа немесе кеңейтілген жоспар (қажет болған жағдайда).
  • Бюджет – 15 ұпай: Бюджет және сипаттамалық негіздемесі толық болып табылады. Бюджет сметаны шамамен ұсынудың орнына ұйымның жобаға байланысты шығындарды дәл анықтауға уақыт бөлгенін көрсетеді. Шығындар ұсынылатын іс-шараларға және күтілетін нәтижелерге қатысты ақылға қонымды болып табылады. Нәтижелер мен ұсынылған нәтижелер жобаның жалпы құнын ақтайды. Бюджеттің баптары ақылға қонымды, жарамды және бөлінуге жатады.  

Бақылау және бағалау – 15 ұпай: Өтінім беруші бағдарламаның сәттілігін негізгі көрсеткіштер бойынша бағалауға қабілетті екенін көрсетеді және ұсыныста баяндалған мақсаттарға қол жеткізудегі үдерісті көрсететін бақылау нүктелерін ұсынады.  Ұйым сандық және сапалық бағалаудың нақты құралдарын қолдана отырып, жобаны іске асырудың бүкіл кезеңінде өзінің тиімділігін қалай бағалайтынын және өлшейтінін нақты тұжырымдады. 

  • Мониторинг пен бағалауға тікелей байланысты шығыстар жарамды болып саналады. Ұсынылып отырған үлгілік нысан мониторинг және бағалау жөніндегі қызметке тікелей байланысты бюджеттің жалпы сомасының бір бөлігін аудару мүмкіндігін көздейді.
  • Тұрақтылық – 15 ұпай: Жобалық ұсыныс жобалау қызметі аяқталғаннан кейін барынша тұрақтылықты қамтамасыз ету немесе жобаның мақсаттарына қол жеткізу үшін пайдаланылатын тәсілді нақты сипаттайды.
  1. Федералдық гранттың берілуі туралы хабарламалар                                                                                                    

Грантты беру немесе ынтымақтастық туралы келісім гранттар жөніндегі қызметкермен жасалады, онымен қол қойылады және беріледі. Көмек беру туралы келісім алушыға электрондық пошта арқылы танысу және қол қою үшін берілетін рұқсат беру құжаты болып табылады. Алушы жоба бойынша шығыстарды гранттар жөніндегі қызметкермен қол қойылған грант беру туралы құжатта көрсетілген күннен бастап ғана көтере бастайды.

Егер қаржыландыру үшін қандай да бір ұсыныс таңдалса, Мемлекеттік департамент болашақта кез келген қосымша қаржыландыруды ұсынуға міндетті емес. Қаржыландыруды ұлғайту мақсатында грант беру мерзімін ұзарту немесе орындау мерзімін ұзарту Мемлекеттік департаменттің қалауы бойынша шешіледі. 

Федералды үкімет осы хабарландырудың нәтижесінде қандай-да бір федералды грантты беруге міндетті емес. Осы ҚМХ беру АҚШ Үкіметінің грант беру жөніндегі міндеттемесі болып табылмайды және АҚШ үкіметін ұсыныстарды дайындау және ұсыну кезінде шеккен шығыстарды төлеуге міндеттемейді. АҚШ үкіметі алынған ұсыныстардың кез-келгенін немесе барлығын қабылдамау құқығын өзіне қалдырады. АҚШ үкіметі сондай-ақ гранттың шекті көлемінен асатын гранттарды беру құқығын өзіне қалдырады.

Әкімшілік және мемлекеттік саясат талаптары

Ережелері мен шарттары: Өтінім берер алдында үміткерлер оларды орындай алатындығына көз жеткізу үшін осы грантқа қолданылатын барлық ережелер мен шарттар мен қажетті сертификаттармен танысуы керек.  Оларға мыналар жатады: 2 CFR 25, 2 CFR 170, 2 CFR 175, 2 CFR 182, 2 CFR 183, 2 CFR 200, 2 CFR 600, Сертификаттар мен кепілдіктер, сондай-ақ Мемлекеттік департаменттің стандартты ережелері мен шарттары мына мекенжай бойынша қолжетімді: https://www.state.gov/m/a/ope/index.htm

CFR 200 2-бөліміндегі АҚШ-тың басқару және бюджет жөніндегі нұсқаулықтарына, барлық қолданыстағы федералды заңдарға және тиісті нұсқаулықтарға сәйкес Мемлекеттік департамент нақты бағдарламаларға қолданылатын қаржыландыруға арналған өтінімдерді мыналарға сәйкес қаржыландыру мүмкіндігі туралы осы хабарламаның негізінде қарайтын болады:  

  • «Федералды қаражат алатын және Америка қалаларында анархияға, зорлық-зомбылыққа және жойылуға мүмкіндік беретін мемлекеттік және жергілікті үкіметтерді қаржыландыруды қайта қарау туралы меморандум» деп аталатын Президенттің 2020 жылғы 2 қыркүйектегі меморандумы; 
  • Американдық ескерткіштерді, мемориалдар мен мүсіндерді қорғау және қылмыстық зорлық-зомбылыққа қарсы күрес туралы жарлық (E.O. 13933); және 
  • 2020 жылғы 13 тамызда Федералды тізілімнің 85 FR 49506-да жаңартылған Федералды ережелер жиынтығының (2 CFR) 2-бөліміндегі гранттар мен келісімдер туралы нұсқаулық, атап айтқанда: 

o Федералды грант алуға өтінімдерді бағалаудың объективті процесі арқылы бағдарламаның мақсаттары негізінде нәтижелерге қол жеткізуде үлкен жетістікке жететін алушыларды таңдау (2 CFR 200.205) бойынша, 

o АҚШ-тың 2019 жылғы қорғаныс бюджеті туралы Заңының 889-бөліміне сәйкес телекоммуникация және бейнебақылау үшін белгілі бір қызметтерді немесе жабдықтарды сатып алуға тыйым салу бойынша (Pub. L. № 115-232) (2 CFR 200.216), 

o Сөз бостандығы және діни бостандық туралы (Е.О. 13798) өкімге сәйкес сөз және діни сенім бостандығын көтермелеу және колледждер мен университеттерде еркін зерттеу, транспаренттілік және есеп беру деңгейін арттыру бойынша (E.O. 13864) (2 CFR 200.300, 200.303, 200.339 және 200.341), 

o Құрама Штаттарда өндірілген тауарларды, өнімдер мен материалдарды барынша пайдалану үшін заңмен рұқсат етілген шамада преференциялар беру бойынша (2 CFR 200.322), және 

o Егер грант бұдан былай бағдарламаның мақсаттарына немесе агенттіктің басымдықтарына сәйкес келмесе, келісімдердің қолданысын заңда рұқсат етілген ең жоғары дәрежеде толық немесе ішінара тоқтату бойынша (2 CFR 200.340.)

Есеп беру

Алушылар тоқсан сайын бағдарламаның іске асырылу барысы туралы есептерді және жобаның бүкіл кезеңі ішінде қаржылық есептерді ұсынуы тиіс. Атқарылған жұмыс туралы есептер мен қаржылық есептер есепті кезең аяқталғаннан кейін 30 күн өткен соң ұсынылуы тиіс. Қорытынды расталған бағдарламалық және қаржылық есептер жобалық кезең аяқталғаннан кейін 120 күн өткен соң ұсынылуы тиіс. 

Барлық есептердің электронды түрде ұсынылуы тиіс. 

Жоғары тәуекелге ұшыраған деп саналатын үміткерлерге олардың жоғары тәуекел дәрежесі туралы ақпарат жойылғанға дейін егжей-тегжейлі және жиі есеп беруге міндетті болуы мүмкін. 

Сондай-ақ, үміткер жыл сайын елшілікке SF428 нысанын қолдана отырып, АҚШ үкіметі ұсынған барлық жабдықтардың тізімін ұсынуы керек.

Басқа ақпарат                                                                   

Бюджетті негіздеу жөніндегі нұсқаулық

Қызметкерлер мен қосымша төлемдер: Жоба бойынша өтінім берушіге тікелей жұмыс істейтін уақытша немесе тұрақты қызметкерлердің жалақысын, еңбекақысы мен жеңілдіктерін және жобаға жұмсалатын уақытының пайыздық үлесін сипаттаңыз.

Іссапар шығыстары: Бағдарлама қызметкерлері, кеңесшілер немесе баяндаушылар үшін де, қатысушылар/бенефициарлар үшін де осы жобаға арналған жол жүру және тәуліктік шығындарды бағалаңыз. Егер жоба халықаралық сапарларды қамтыса, осындай сапарлардың қысқаша негіздемесін ұсынуыңызды сұраймыз.

Жабдықтар: Оның пайдалы қызмет ету мерзімі бір жылдан асатын (немесе қызмет ету мерзімі жобаның ұзақтығынан асатын) және құны бір бірлік үшін кемінде 5000 АҚШ долларын құрайтын кез-келген жабдықты, жиһазды немесе басқа жеке мүлікті сипаттаңыз.

Материалдар: Жобаға қажетті барлық заттар мен материалдарды, соның ішінде кез-келген компьютерлік құрылғыларды тізімдеңіз және сипаттаңыз. Егер тауар бірлігі үшін 5000 доллардан асатын болса, Жабдық бөлімінде мұндай өнімді бюджетке қосуды сұраңыз.

Келісімшарттың негізі: Өтінім беруші жеткізушімен келісімшарттың негізінде сатып алуды жоспарлаған тауарлар мен қызметтерді сипаттаңыз.  Сондай-ақ, жобалық қызметті жүзеге асыруға көмектесетін коммерциялық емес серіктестерге кез-келген қосымша гранттарды сипаттаңыз. 

Басқа тікелей шығындар: Басқа санаттарға жатпайтын жобаға тікелей байланысты басқа шығындарды сипаттаңыз. Мысалы, материалдар мен жабдықтарды жеткізу құны немесе қолданылатын салықтар. Барлық «Басқа» немесе «Әртүрлі» шығындардың егжей-тегжейлі және толық түсіндірілуі керек.

Жанама шығындар: Бұл ұйымның жұмысын қамтамасыз ету үшін қажетті үстеме шығындар сияқты жобаның қызметіне тікелей байланысты емес шығындар.  Егер сіздің ұйымыңызда жанама шығындардың келісілген мөлшерлемесі (NICRA) болса және NICRA шығындары бюджетке енгізілсе, соңғы NICRA көшірмесін тіркеңіз. NICRA жоқ ұйымдар 2 CFR 200.68 анықталған өзгертілген тікелей шығыстардың жалпы көлемінің 10% көлемінде тікелей емес шығыстарды сұрай алады.  

«Бірлескен шығындарды жабу» АҚШ елшілігінен басқа ұйымның немесе басқа ұйымдардың жарналарын білдіреді.  Ол сондай-ақ еріктілердің уақыты мен ақысыз берілген орын-жайлар сияқты заттай жарналарды қамтиды.

Брендинг талаптары 

 Оқу материалдарын, алушыларға арналған материалдарды немесе келісімге сәйкес бағдарламаны, іс-шараларды, жобаны немесе қандай да бір басқа қызметті шетелдік аудиториямен қарым-қатынас жасауға немесе ілгерілетуге арналған материалдарды қоса алғанда, іс-шараларға шақыруларды, баспасөзге арналған материалдарды, сондай-ақ көркем безендіруді, платформалардағы белгілерді және т. б. қоса алғанда, бірақ олармен шектелмей, грантты алу шарты ретінде грантқа сәйкес дайындалған барлық материалдар тиісті түрде АҚШ-тың стандартты тікбұрышты жалаушасымен кез-келген басқа логотипке немесе эмблемаға тең (немесе одан жоғары) өлшеммен және көрініспен белгіленуі керек. Ескертпе: Брендингке қойылатын талаптардан ерекше жағдайлар белгілі бір жағдайларда рұқсат етіледі. Егер өтінім беруші өзінің грантының қаржыландыру үшін таңдалғаны туралы хабардар болса, грант жөніндегі қызметкер өтінім берушімен консультацияда ерекшеліктің қолданылатындығын айқындайды. 

Авторлық құқық және құпия ақпарат

Егер сіздің өтініміңіздегі қандай да бір ақпарат жеке болса, тиісті беттердің төменгі колонтитулында ақпараттың құпия екенін ескертіңіз. Сондай-ақ өтінім берушілер өтінімнің, бағдарламаның, тұжырымдаманың және т.б. авторлық құқықтармен, тауар белгілеріне қатысты құқықтармен немесе кез келген басқа зияткерлік меншік құқықтарымен қорғалғанын көрсетуі және осындай авторлық құқықтарды қолдау үшін тиісті құжаттаманың көшірмесін ұсынуы тиіс.

Құжаттар