Америка бұрыштары — жергілікті серіктес ұйымдарда, әдетте кітапханаларда орналасқан америкалық нақыштағы шағын кітапханалар. Америка бұрыштары жергілікті ұйымдардың шынайы серіктесі, себебі олардың штаты қабылдаушы мекеменің қызметкерлерімен толықтырылады. Америка бұрыштары және олардың ақпараттық ресурс қоры әрбір Қазақстан азаматы үшін ашық.

Әрбір орталықта ағылшын тілінде американың көркем әдебиет жинағы, АҚШ-ның мемлекеттік құрылымы, оның тарихы мен мәдениетіне қатысты анықтамалық әдебиет ұсынады.

Бұрыштар АҚШ туралы ақпаратты бақылаулы интернет желісі арқылы ұсынады. Сондай-ақ онда көркем және деректі фильмдердің аудио-видео жазбалары бар.

Америка бұрыштары студенттерге, оқытушыларға және Бейбітшілік Корпусының еріктілеріне арналған оқу құралдарының ауқымды жинағын ұсынып, ағылшын тілін үйретуді қолдайды.

Американ бұрыштары АҚШ-нан түрлі тақырыптарда дәріс беріп, сабақтар жүргізіп, үйірмелік дискуссиялар және тағы басқа шаралар өткізетін лекторларды шақырады.

Қазақстандағы Америка бұрыштары туралы қосымша ақпарат үшін, Астана қаласындағы АҚШ Елшілігінің Қоғамдық Байланыс бөлімімен байланысуыңызға болады. Сондай-ақ, сіз Америка бұрыштарымен төмендегі мекен-жайлар арқылы тікелей хабарласа аласыз: