Визаға өтініш берушілер үшін визалық қызмет көрсету жағдай туралы ақпарат

VIsa close up

АҚШ-тың Қазақстандағы өкілдігі иммигранттық емес визаға өтініш берушілердің консулдық төлемді төлеп,  сұхбат күнінің белгіленуін тағатсыздана күтіп отырғанын хабардар. Барлық жоспардағы визалық қызмет көрсетуді 2020 жылдың 2- желтоқсанынан қайта бастадық. АҚШ өкілдігі 2020 жылдың 19-наурызында жарамды болған немесе 2020 жылдың 19-наурызы мен 2020 жылдың 2-желтоқсан аралығында төленген иммигранттық емес виза түбіртектерінің (MRV алымы) қолданылу мерзімін 2021 жылдың 31 желтоқсанына дейін ұзартты. Бұл шара консулдық операцияларды уақытша тоқтату кесірінен иммигранттық емес виза бойынша сұхбатқа жазыла алмаған өтініш берушілерге қосымша төлемсіз сұхбатқа жазылуға мүмкіндік береді. 2020 жылдың 2-желтоқсанында немесе одан кейін төленген төлем тура бір жылға жарамды.

Иммигранттық визалар: Алматыдағы Бас консулдық Мемлекеттік Департаменттің иммигранттық визаларды қарастырудағы басымдылық жүйесі жөніндегі нұсқаулығына сәйкес барлық визалық санаттар үшін иммигранттық визаларды қарастырады.  

Әр түрлі ұлттарға арналған DV-2020 визасына өтініш берушілер: Мерзімі өтіп кеткен DV-2020 визалары жаңа визамен алмастырылмайды; дегенмен, Гомес v. Трамп сот ісінің ұйғарымымен DV-2020 визасын алған адамдар Америка Құрама Штаттарына мерзімі өткен визамен бара алады, өйткені сот бұл визаларды Прокламация-10014 күшін жойған күні берілген визалар ретінде қарастыру керектігі туралы шешім шығарды. Сот бұл визалардың қанша уақытқа дейін жарамды болып саналатындығын нақтыламады. Сондықтан, шешімге тікелей қатысы бар адамдар мүмкіндігінше тезірек сот шешімін пайдаланып АҚШ-қа барулары керек себебі сот шешімі немесе визалардың жарамдылық мерзімі өзгеруі мүмкін.

2020 жылдың 30 қыркүйегіне дейін виза берілмеген DV-2020 бағдарламасының өтініш берушілерімен сұхбат болмайды және олардың істері қаралмайды, өйткені бұл өтініш берушілердің тек 2020 қаржы жылының аяғына дейін виза ала алатын мүмкіндігі болды. Бұл мерзім 2020 жылдың 30 қыркүйегінде аяқталды.

Әр түрлі ұлттарға арналған  2021 жыл (DV-2021) бағдарламасының үміткерлері: DV-2021 үміткерлері Кентукки консулдық орталығынан (KCC) сұхбаттасу уақыты туралы хабарды күтуі керек.

Ұлттық виза орталығы (NVC) және Кентукки консулдық орталығы (KCC) жаңа иммигранттық істер бойынша сұхбаттасу уақытын белгілейді. АҚШ-тың Алматы қаласындағы Бас консулдығы NVC-ден істері келген K визасына өтініш берушілерімен хабарласып, сұхбат уақытын қалай белгілеу керектігі жайында нұсқаулықтар береді.

Сонымен қатар Елшілік пен Бас консулдық ұшаққа отырғызу (boarding foil) рұқсат қағаздары мен тұрақты тұруға ықтиярхатқа қайта тапсырыс берушілерден өтініштерді қабылдайды. Осы қызметтерге жазылу үшін USAKZ@state.gov поштасына хабарласуды сұраймыз.

Иммигранттық емес визалар: АҚШ-тың Нұр-Сұлтандағы Елшілігінде және Алматыдағы Бас консулдығында барлық иммигранттық емес визалық қызметтерге өтініштер қабылдайды.

Виза мерзімін сұхбатсыз ұзарту: АҚШ-тың Нұр-Сұлтандағы Елшілігі белгілі санаттардағы визаларды, соның ішінде B1/B2 визаларын, сұхбатсыз жаңарту талаптарына сәйкес келетін үміткерлерден өтініштер қабылдайды. 2021 жылдың 31 желтоқсанына дейін қазіргі уақытта қолданыстағы визасы бар немесе визасының мерзімі соңғы 48 ай ішінде аяқталған адамдар сұхбатсыз виза алу туралы өтініш бере алады. Қосымша ақпарат алу үшін мына сілтемені басыңыз.

АҚШ Елшілігі және Бас Консулдығы істерді мүмкіндігінше қысқа мерзімде шешуге тырысады, алайда істердің көптігіне байланысты қызметтерді алудың күту уақыты ұзақ болуы мүмкін. Қазақстан азаматтары мен тұрғындары үшін иммигранттық емес визаны алудың күту уақыты туралы ақпаратты осы сілтемеден көре аласыз. Қазақстан азаматы немесе резиденті емес адамдардың виза алуды күту уақыты едәуір ұзағырақ.

Америка Құрама Штаттарына шұғыл сапар қажеттілігі бар болған жағдайда, жеделдетілген сұхбатқа (иммигранттық емес визалар үшін) https://www.ustraveldocs.com/kz_ru/kz-niv-expeditedappointment.asp  сілтемедегі нұсқауларды орындап, өтініш беруіңізге болады. Сіздің жеделдетілген сұхбатқа өтінішіңіз бойынша міндетті түрде оң жауап қабылданбайтынын ескертеміз. Мұндай өтініште АҚШ-қа шұғыл бару қажеттілігіңіз туралы егжей-тегжейлі түсіндірме толығымен жазылуы керек.