Орталық Азиядағы инвестициялық серіктестіктің жариялауы туралы бірлескен мәлімдеме

7 қаңтар, 2021 жыл

Орталық Азиядағы инвестициялық серіктестіктің жариялауы туралы бірлескен мәлімдеме

Келесі мәлімдеменің мәтінін Америка Құрама Штаттарының, Қазақстан Республикасы мен Өзбекстан Республикасының үкіметтері жариялады.

Бүгін Америка Құрама Штаттарының, Қазақстан Республикасының және Өзбекстан Республикасының үкіметтері Орталық Азиядағы инвестициялық серіктестікті құрылғанын жариялайды. Қатысушылар басқа елдерді аймақтың экономикалық серіктестігі мен өркендеуін ілгерілету үшін осы бастамаға қосылуға шақырады.

Осы бастама шеңберінде АҚШ-тың Халықаралық даму қаржы корпорациясы (ДҚК), Қазақстан Республикасы Үкіметінің мүддесі үшін әрекет ететін «Астана» халықаралық қаржы орталығы және Өзбекстан Республикасы бес жыл ішінде Орталық Азия мен кеңірек аймақтың жеке секторын дамытуға және экономикалық өзара байланыстылығын арттыруға көмектесетін жобаларды қолдау үшін кем дегенде 1 миллиард АҚШ долларын тарту үшін бар күшін салады.

Орталық Азиядағы инвестициялық серіктестік инфрақұрылым сапасының халықаралық стандарттарына сәйкес келетін және инклюзивті, ашық және тұрақты инвестицияны жылжытатын жеке сектор жобаларын ілгерілетеді. Осылайша серіктестер жобалардың табысы мен оң әсерін максималды түрде арттырып, аймаққа қосымша жеке инвестицияны жұмылдырады.

Орталық Азиядағы инвестициялық серіктестік АҚШ-тың Орталық Азиядағы экономикалық өсу мен өркендеуді қолдау жөніндегі күш-жігерін ілгерілетудегі маңызды қадам болып табылады. C5+1 платформасы арқылы бұл бастама Орталық Азиядағы барлық елдерді нығайту және өркендету үшін сауданың, дамудың және өзара байланыстылықтың артуына мүмкіндік береді. Бүгін мұндай ынтымақтастық пен тұрақтылық бұрынғыдан да маңызды, өйткені аймақ COVID-19 індеті салдарынан болған экономикалық зардапты қалпына келтіруге ұмтылуда.

Орталық Азиядағы инвестициялық серіктестік Орталық Азия елдерінің әрқайсысының дамуы мен өркендеуіне ұмтылады.

Аймақтық жобаларды қолдаудан басқа, ДҚК Қазақстан Республикасы Үкіметінің мүддесі үшін әрекет ететін «Астана» халықаралық қаржы орталығымен және Өзбекстан Республикасымен екіжақты түсіністік меморандумдарына қол қойып, инвестициялық қорлар мен басқа да екіжақты жобаларға қолдау көрсету мүмкіндіктерін зерттей отырып, Орталық Азиядағы екіжақты серіктестікті тереңдетуді жалғастырады.