Flag

An official website of the United States government

Fulbright TEA педагогикалық шеберлікті шыңдау бағдарламасы
8 Хаттаманы оқу
Қаңтар 18, 2024

2024 – 2025 Fulbтright Teaching Excellence and Achievement (TEA) бағдарламасы – бұл халықаралық орта буын деңгейдегі ағылшын тілі мұғалімдеріне арналған алты апта ішінде Америка Құрама Штаттарына барып, қабылдаушы университеттерінде кәсіби дамуға арналған академиялық семинарларға қатысып мен жергілікті орта буын мектептеріндегі мұғалімдер мен оқушылармен тәжірибе алмасу мүмкіншілігі. 

«Фулбрайт ТЕА» бағдарламасына мұғалімдер кәсіби педагогикалық қызметі, академиялық дайындығы және көшбасшылық қабілеті негізінде таңдалады. Бағдарламаға қатысушыларға қатысты соңғы шешімді тәуелсіз әрі жоғары лауазымдағы кеңеспен тағайындалатын, барлық академиялық алмасу бағдарламаларын үйлестіретін «Фулбрайт шәкіртақылар кеңесі» қабылдайды.  

Бағдарламаға қатысушылардың тәжірибесі және жетістіктерін байқау негізінде анықтау үшін тәуелсіз іріктеу комиссиясы құрылады. 

ОҚУ БАҒДАРЛАМАСЫ 

«Фулбрайт ТЕА» бағдарламасына таңдалған мұғалімдер:  

  1. Америкалық орта мектебіндегі сабақтарды бақылап, америкалық әріптесімен тәжірибесімен алмасып, бірге сабақ өткізеді;  
  2. Бағдарламаның басқа да қатысушыларымен АҚШ және Қазақстанның білім жүйесіндегі түрлі озық педагогикалық тәжірибе және әдістерімен алмасуға кәсіби-педагогикалық қауымдастықтың онлайн-платформасына белсенді қатысады; және 
  3. АҚШ-та оқу барысында білім және мәдени шараларға қатысады.  

ОҚУ БАҒДАРЛАМАСЫ

  • Оқытудың жаңа әдістемелеріне, оқушыларға бағытталған оқытуға, мазмұнға негізделген оқытуға, сабақтарды жоспарлауға және мұғалімдерді оқыту технологияларына үйретуге арналған жалпы академиялық семинарлар.
  • Америкалық орта мектебіндегі сабақтарды бақылап, америкалық әріптесімен тәжірибесімен алмасып, бірге кемінде 40 академиялық  сағат өткізу;  
  • АҚШ-та оқу барысында түрлі білім және мәдени шараларға қатысады.  

БАЙҚАУДЫ ӨТКІЗУ КЕЗЕҢДЕРІ:

  • 2024 жылдың 1 наурызына дейін Астана уақыты бойынша кешкі сағат 18:00 дейін құжаттар бағдарламаға онлайн түрде қабылданады.  
  • 2024 жылдың сәуірінде жартылай финалистер онлайн сұхбатқа шақырылады және сұхбаттан сәтті өткен жағдайда TOEFL iBT тестін тегін түрде тапсыруға жолдама алады.  
  • 2024 жылдың тамыз айында бағдарлама жеңімпаздары анықталады.   
  • 2025 жылдың қараша-желтоқсан айларында көктемгі семестрге жолдама алған жеңімпаздар АҚШ-қа сапарға арналған дайындық кездесуіне қатысып, 2025 жылдың қаңтары мен наурыз аралығында АҚШ-қа алты апталық оқуға барады.  
  • 2025 жылдың маусым-шілде айларында күзгі семестрге жолдама алған жеңімпаздар АҚШ-қа сапарға арналған дайындық кездесуіне қатысып, 2025 жылдың қыркүйек пен қазан аралығында алты апталық АҚШ-қа оқуға барады. 

БАЙҚАУҒА КЕЛЕСІ ТАЛАПТАРҒА САЙ ҮМІТКЕРЛЕР ӨТІНІМ ТАПСЫРА АЛАДЫ: 

  • Жергілікті балалардың басым бөлігі оқитын мектептерде ағылшын тілі, математика, жалпы ғылыми, әлеуметтік пәндер бойынша орта мектептерде штаттық режимде жұмыс атқаратын мұғалімдер, сонымен қатар инклюзивті білім беру мекемелерінде сабақ беретін ұстаздар;  
  • «Орта мектеп мұғалімдері» ұғымына 12-18 жастағы оқушыларға сабақ беретін мұғалімдер кіреді. Бастауыш сыныптарға сабақ беретін мұғалімдер, өзінің 50% уақытын орта және жоғарғы сыныптарға сабақ берген жағдайда ғана, бағдарламаға қатыса алады.  
  • Мектеп қабырғасында және білім саласында өзінің көшбасшылық қабілетін көрсете алған ұстаздар артықшылыққа ие болады; 
  • Бакалавр дипломының болуы немесе бакалавр деңгейінің эквиваленті;  
  • Бағдарламаның басталуына орай, кемінде штаттық режимдегі үш жылдық орта мектептегі тәжірибесі бар ұстаздар. Орта мектепте толығымен бес жыл тәжірибесі бар ұстаздар артықшылыққа ие болады; 
  • Бағдарламаға тапсыру және қатысу кезеңінде Қазақстан Республикасының азаматтығымен қоса Қазақстанда тұрғылықты тұратын үміткерлерден құжаттар қабылданады; 
  • Ағылшын тілін жақсы деңгейде білетін мұғалімдер. Құжаттарды тапсырған сәтте, TOEFL iBT тілдік тестілеу сертификаты қажет емес. Егер екінші кезең яғни онлайн сұхбаттан сәтті өткен жағдайда, үміткер TOEFL iBT тестілеуін тегін түрде тапсыруға мүмкіндік алады. Келесі кезеңге өту үшін үміткерлер кемінде 120 балдан 45 балл алу керек; Тестілеу барысындағы барлық шығындарды Қазақстандағы АҚШ Елшілігі өтейді: 
  • Бағдарламаның аяқталуынан кейін, мектепте жұмысын әрі қарай жалғастыруға ынталы үміткерлер артықшылыққа ие болады; және 
  • тек ағылшын тілінде толықтай толтырылған сауалнамалар қарастырылады.  

«ФУЛБРАЙТ ТЕА» БАҒДАРЛАМАСЫ ТОЛЫҒЫМЕН АМЕРИКА ҚҰРАМА ШТАТТАРЫМЕН ҚАРЖЫЛАНДЫРЫЛЫП, ТӨМЕНДЕГІДЕЙ ШЫҒЫНДАРДЫ ҚАМТАМАСЫЗ ЕТЕДІ: 

  • J-1 визасы бойынша қолдау; 
  • Туған қаладан қабылдаушы америкалық университет бағыты бойынша халықаралық билет;  
  • АҚШ-та оқу барысында қатысушылар тегін тұрып, күнделікті тамақ (күніне үш мезгіл) тамақтана алады;  
  • шәкіртақы және медициналық сақтандыру;  
  • Вашингтон, Колумбия округіндегі бағдарлама түлектеріне арналған семинарға қатысу; 
  • Кәсіби даму мен мәдени бағдарламарға қатысуға мүмкіндік алады.   

Онлайн сауалнама https://fulbright.irex.org/  2024 жылдың 1 наурыз күні Астана уақыты бойынша кешкі сағат 18:00-ға дейін қабылданады.  

Fulbright TEA бағдарламасы туралы қосымша ақпаратты осы сайттан оқи аласыздар:  www.fulbrightteacherexchanges.org  

Сұрақтарыңыз туындаған жағдайда, э-поштаға жазуларыңызды сұраймыз: KazakhstanELPrograms@state.gov 

Онлайн анкетаны толтыру бойынша нұсқауды, ISRF және LAF формаларын жүктеп, оқуыңызды сұраймыз.