Techgirls Бағдарламасы

Түйіндеме: АҚШ Мемлекеттік департаментінің Білім және мәдениет мәселелері жөніндегі бюросы жоғарғы сыныпта оқитын ғылым, технология, инженерия және математикаға қызығушылығы бар қыздарға арналған 2022 TechGirls бағдарламасын ашық деп жариялайды. 

Бағдарламаның сипаттамасы: 2022 TechGirls бағдарламасы АҚШ, Таяу Шығыс және Солтүстік Африка, Сахараның оңтүстігіндегі Африка, Шығыс Азия және Тынық мұхиты, Еуропа мен Еуразия, Батыс жарты шар және Орталық Азия мемлекеттеріндегі 15-17 жас аралығындағы қыздардың STEM бағыты бойынша қызығушылығын, жоғары білімін жалғастыруын, ғылым мен технология саласында кәсіби қызметке қол жеткізуін, тәжірибелік дағдыларын дамытуы мақсатында төрт-апталық қарқынды бағдарламаны ұсынады. Бағдарлама бүкіл әлемдегі әйелдер мен қыздардың әлеуметтік дәрежесінің өсуін толықтай қолдап, 36 мемлекеттерінің жастар арасындағы STEM білімінің дамуына, достық қарым-қатынастың нығаюына және өзара түсіністікті тереңдетуіне бағытталған. 

Бағдарлама 2022 жылғы 8 шілде мен 3 тамыз аралығында аралығында өтеді. Қатысушалар Қазақстан, Қырғызстан, Тәжікістан, және Өзбекстан мемлекеттерінен болатындықтан, аймақтық алмасу бағдарласы болып есептеледі.  

Бағдарламаның қатысушылары екі аптаның ішінде Вирджиния штатының Блэксберг қаласындағы Вирджинияның технологиялық университетінде Java бағдарламау тілінде жұмыс істеуді, киберқауіпсіздік туралы үйреніп, интерактивті зертханаларда тәжірибеден өтеді.  Сонымен қатар, қатысушылар Вашингтон, Колумбия округіндегі технологиялық компанияларда болып, алдыңғы қатарлы емдеу клиникаларында, жоспарлауға, қоғамды көркейтуге бағытталған, тәжірибелік дағдыларға, мәдениаралық ынтымақтастыққа бағытталған семинарларға қатысады. 

Бағдарлама аясында қатысушылар өз жобаларын жүзеге асыру үшін жоспар құрады. Қазақстанға қайта оралғаннан кейін, қатысушылар жобаны орындап, өз дағдыларын бекітіп, алған білімдерін тәжірибе жүзінде қолданады. 

Қатысушылар саны: 4 оқушы 

Қатысушыларға қойылатын талаптар:

  • Қазақстан Республикасының азаматтығы;
  • Бағдарламаға қатысу жасы 15 тен 17 жасқа дейін болу керек;
  • Ғылым, технология, инженерия және/немесе математика саласындағы дағдылары мен қызығышулығын дәлелдеу керек;
  • Жоғарғы білім алуға және технология саласында қызмет атқаруға ұмтылыс;
  • Ағылшын тілін жетік білу;
  • Ой дербестілік, икемділік, және жаңа тәжірибену алуға ұмтылыс;
  • Бағдарламаның аяқталуынан кейін қатысушылардың мектепте оқуға бір семестрі қалу керек;
  • Бағдарламаның аяқталуынан кейін қоғамды жақсартуға бағытталған жобаны жүзеге асыруға дайындылық.

АҚШ-та оның алдында болмаған қатысушыларға немесе қысқа сапармен болған талапкерлерге артықшылық беріледі.

Әртүрлі тәжірибесі және дағдылары бар қатысушылар мен мүмкіндіктері шектеулі талапкерлерді бағдарламаға құжаттарын тапсыруға шақырамыз.  

Назар аударыңыздар: АҚШ Мемлекеттік департаментінің Білім және мәдениет мәселелері жөніндегі бюросының басқа алмасу бағдарламасымен АҚШ-та соңғы үш жыл ішінде болған қатусышылардың сауалнамалары бағдарламаға қабылданбайды. 

Байқаудың өткізілу уақыты:

  • 2021 жылдың 15 қарашасынан – 2022 жылдың 15 қаңтарына дейін – құжаттарды қабылдау кезеңі;
  • 2022 жылдың 15 қаңтары – 28 ақпаны – жартылай финалистер тізімі Қазақстандағы АҚШ Елшілігіне жіберіледі;
  • Наурыздың басы/ортасы – Қазақстандағы АҚШ Елшілігі финалистермен онлайн сұхбат өткізеді;
  • 2022 жылдың 5 сәуірі – финалистер анықталады;
  • 2022 жылдың мамыр айының соңы — Қазақстандағы АҚШ Елшілігінде визалық сұхбат және сапарға дайындалу үшін арнайы кездесу өткізіледі. 
  • 2022 жылдың 8 шілде мен 3 тамыз аралығында бағдарлама АҚШ-та өтеді. 

2021 жылдың 15 қарашасынан бастап, онлайн сауалнаманы осы сілтеме арқылы толтыра аласыз https://techgirlsglobal.org/ 

Онлайн сауалнамына тапсырудың соңғы күні: 2022 жылдың 15 қаңтары.

АҚШ Мемлекеттік департаменті қатысушылардың барлық шығындарын, оның ішінде жол жүру және тұру шығындарын төлейді.