USAID COVID-19 пандемиясынан зардап шеккен Орталық Азия мигранттарының қажеттіліктерін қанағаттандыру мақсатында 2 млн. АҚШ долларын бөледі

26 мамыр 2020, Қазақстан– АҚШ үкіметі Халықаралық даму жөніндегі АҚШ агенттігі (USAID) арқылы COVID-19 пандемиясының барысында Орталық Азиядағы мигранттарды қорғау мақсатында 2 миллион АҚШ долларын бөлетін болады. Бұл жәрдем USAID тарапынан қаржыландырылатын және «Winrock International» күшімен жүзеге асырылатын «Орталық Азиядағы қауіпсіз көші-қон» жобасының аясында көрсетілетін болады.

COVID-19 пандемиясы Орталық Азиядағы миллиондаған мигранттар үшін гуманитарлық және қаржылық дағдарыстың орын алуына әкелді, олардың көбі бүкіл Орталық Азия аумағында транзиттік және баратын елдерде мүшкіл халде қалды.

Жұмыстан және ақшалай аударымдарды іске асыру мүмкіндігінен айырылу отбасыларды қажетті қорсыз және құқықтық қорғаныс құралдарынсыз қалдырды. Сондай-ақ, мигранттарға өздерін вирустан қалай қорғау екендігі жайлы ақпарат та, тиісті қорлар да жетіспей жатыр.

«Орталық Азиядағы қауіпсіз көші-қон» жобасының аясында USAID соншалықты қажет болып тұрған көмекті, соның ішінде ақпараттық қорларды; негізгі қызметтерге қатысты бағдарларды; күн көру үшін қажетті құралдардың баламалы көздері бойынша жәрдемді ұсынып; сондай-ақ, мигранттарды олар тап болған ауыр жағдаймен күресуде көмектесу мақсатында қажетті дағдыларға үйрететін болады. Сонымен қатар, жоба құқықтық және психологиялық жәрдемді қолжетімді ету арқылы мигранттар құқықтарының қорғалуын қамтамасыз етеді.

«Орталық Азиядағы қауіпсіз көші-қон» жобасының аясында үкіметтердің, мемлекеттік емес ұйымдардың және жеке сектордың адамдарды саудаға салуды болдырмау, зардап шеккен тұлғаларды қорғау және қауіпсіз көші-қонға жағдай жасау бойынша өзара есеп берушілігін нығайту және тиімділігін арттыру мақсатында нақты деректерге негізделген практикалардың және трансшекаралық байланыстардың көмегімен бес Орталық Азия республикаларына қолдау көрсету көзделген.

USAID жалғасып тұрған COVID-19 пандемиясының барысында ауыр халге түскен бүкіл Азиядағы мигранттар және олардың отбасылары беттеген ерекше қиыншылықтарды жақсырақ түсіну үшін тырысып жұмыс істеп жатыр. Мигранттар тұрғындардың жалпы қорғанысын қамтамасыз етуге бағытталған саясаттың кері ықпалына түсуі, қолдау көрсету жүйелерін пайдаланудағы шектеулерге тап болуы, сондай-ақ, аман қалу үшін сарқылып жатқан табиғи қорларды ғана пайдаланып отыруға мәжбүр болуы мүмкін. Орталық Азиядағыдай инвестициялар осалдықты төмендету және барлық қауымға арналған жүйелерді нығайту мақсатында бүкіл аумақ бойынша жүзеге асырылады.

###

USAID әлемдік жетекші халықаралық даму агенттігі және тұрақты дамуға қол жеткізу катализаторы болып табылады. USAID АҚШ ұлттық қауіпсіздігін қамтамасыз ету және экономикалық өркендеуді арттыру бойынша жұмыс атқарады, сонымен қатар, тұрақты дамуға өз үлесін қосады. Толық ақпарат https://www.usaid.gov/central-asia-regional сайтында және https://www.facebook.com/USAIDCentralAsia/ парақшасында..

###