Иммигранттық визалар

Иммигранттық визалар

Иммигранттық виза, Америка Құрама Штаттарында жұмыс істеу жоспарында бар-жоғына қарамастан, Америка Құрама Штаттарына тұрақты тұру үшін кіргісі келетін кез келген адамға қажет. АҚШ Елшілігінің Алматы қаласындағы Консулдық бөлімі Қазақстан, және Тәжікстан азаматтарына виза рәсімдейді.

Жалпы санаттар

АҚШ иммиграция туралы заңында иммигранттық визалар беру үшін төрт жалпы санат қарастырылған:

  • Отбасылық иммиграция: АҚШ азаматының жұбайы, ата-анасы, 21 жасқа толмаған баласы, 21 жасқа толған ұлы/қызы, бауыры және АҚШ-тың заңды тұрақты резидентінің жұбайы, ата-анасы, 21 жасқа толмаған баласы, 21 жасқа толған ұлы/қызы;
  • Жұмыс иммиграциясы: белгілі бір жұмысқа алу критерийлеріне сай жұмысшылар;
  • Әртүрлі ұлттарға арналған виза бағдарламасы бойынша иммиграция: «Грин кард» лотереясы деген атпен де белгілі;
  • Күйеу/қалыңдық: АҚШ-қа некеге тұру үшін кіруге берілетін виза.

Әртүрлі виза санаттары туралы толығырақ ақпарат алу үшін, АҚШ Мемлекеттік департаментінің сайтына немесе АҚШ Азаматтық және иммиграция қызметінің (USCIS) сайтына кіріңіз.

Егер Алматыда қаралатын босқын мәртебесін алу туралы ісіңіз болса, АҚШ Бас Консулдығының консулдық бөліміне usakz@state.govэлектрондық поштасы арқылы хабарласыңыз

Иммигрантық виза алу төмендегідей қадамдарды  қамтиды:

1-қадам – Петиция беру

АҚШ азаматы немесе АҚШ тұрақты резиденті шетелдік туысы үшін петиция берушінің АҚШ-тағы тұрғылықты жері бойынша  АҚШ Азаматтық және иммиграция қызметінің бөлімшесіне I130 петициясын береді. Қазақстанда тұратын петиция берушілер бұдан былай шетелдік туыстары үшін I-130 петицияларын бұрынғыдай Астана мен Алматы қалаларындағы АҚШ Елшілігі мен Консулдығына бере алмайды.Қазақстанда тұратын петиция берушілер 2011 жылдың 15 тамызынан бастап I-130 формаларын Иммиграциялық қызметтің Чикагодағы пошта жәшігіне жіберулері керек.  Астана мен Алматы қалаларындағы консулдық бөлімдер I-130 петицияларын тек ерекше жағдайларда қабылдайды.

Иммиграциялық қызметтің Чикагодағы әдеттегі поштаға арналған жәшігі:

USCIS
P.O. Box 804625
Chicago, IL 60680-4107

Иммиграциялық қызметтің Чикагодағы жедел және курьерлік поштаға арналған жәшігі:

USCIS
Attn: I-130
131 South Dearborn-3rd Floor
Chicago, IL 60603-5517

Иммиграциялық қызметтің Чикагодағы пошта жәшігіне I-130 формасын жіберу туралы қосымша ақпарат алу үшін Иммиграциялық қызметтің веб-сайтын қараңыз немесе Иммиграциялық қызметке 1-800-375-5283 нөмірі бойынша телефон шалыңыз.

Ерекше жағдайларда АҚШ Иммиграциялық қызметі жоқ кезде АҚШ Елшіліктеріне немесе Консулдықтарына петицияларды беру:

2011 жылдың 15 тамызынан бастап АҚШ Иммиграциялық қызметінің аймақтық бөлімшесі жоқ елде тұратын, бірақ жағдайлары ерекше қарауды талап етеді деп есептейтін петиция берушілер Елшіліктегі немесе Консулдықтағы консулдық бөлімдердің берілген құжаттарды қабылдауына ерекше рұқсат берілуіне өтініш білдіре алады. Әр ерекшелік жасау туралы өтініш жеке бағаланады.

Астана немесе Алматы қаласындағы консулдық бөлімдерге I-130 формасының берілуін сұраған петиция беруші Консулдық бөлімге хабарласып (usakz@state.gov), ерекшелік жасау туралы өтініштің қаралуын сұрап, мән-жайларды толық түсіндіргені жөн. Содан кейін, Консулдық бөлім ерекшелік жасау туралы өтінішті Мәскеудегі АҚШ Иммиграциялық қызметінің аймақтық бөлімшесіне жолдайды. Іске шынымен жалпы құжат тапсыру процесінен беру керектігін немесе керек еместігін АҚШ Иммиграциялық қызметі анықтайды. Толығырақ ақпарат алу үшін, АҚШ Иммиграциялық қызметінің сайтына кіріңіз.

2-қадам – Ұлттық виза орталығы

Петицияны АҚШ-тағы Иммиграциялық қызмет бөлімі мақұлдағаннан кейін, ол әкімшілік рәсімдеу жұмыстары үшін Ұлттық виза орталығына (ҰВО) жіберіледі. Ұлттық виза орталығы істі нөмірлеп, Алматы қаласындағы АҚШ Бас Консулдығының консулдық бөлімінде иммигранттан виза үшін сұхбат алынатын күнді белгілейді. Ісіңіздің күйін білу үшін, nvcinquire@state.gov мекен-жайына хат жіберуге немесе 6033340700 нөміріне телефон шалуға болады.

3-қадам – Сұхбат

Сұхбатқа дайындалу үшін, өтініш беруші қажетті құжаттарды жинап, медициналық тексеруден өтуі керек. Егжей-тегжейлі нұсқауларды (PDF 914КБ) мына жерден қараңыз.

Форма                             Сипаттамасы

DS-156                           Иммигранттық емес визаға өтініш беру
DS-156K  (PDF, 56 КБ)   Иммигранттық емес күйеу/қалыңдық визасына өтініш беру
DS-230    (PDF, 230)      Иммигранттық виза мен шетелдікті тіркеуге өтініш беру
DS-1981 (PDF, 175 КБ)    Асырап алынған балаға вакцина егілгені туралы аффидевит
ETA-750                          Жұмыс орнына анықтама
G-325A   (PDF, 567 КБ)   Сауалнамалық мәліметтер формасы
I-129F  (PDF, 201 КБ)     Шетелдік күйеу/қалыңдық үшін петиция
I-130 (PDF, 201 КБ)        Шетелдік туыс үшін петиция
I-134 (PDF, 113 КБ)        Қаржылық қолдауды растау
I-140 (PDF, 200 КБ)        Шетелдік жұмысшы үшін иммигранттық петиция
I-360 (PDF, 311 КБ)        Әкесі американдық азиат, жесір немесе арнайы иммигрантқа арналған петиция
I-526 (PDF, 49 КБ)          Шетелдік кәсіпкердің иммигранттық петициясы
I-600 (PDF, 1129 КБ)      Жетім баланы тікелей туыс деп тану туралы петиция
I-600A (PDF, 1097 КБ)    Жетім петициясын алдын ала өңдеу туралы өтініш
I-604 (PDF, 218 КБ)       Шет елдерден жетім балалар іздеу есебін алу туралы өтініш
I-864 (PDF, 339 КБ)      Қаржылық қолдауды растайтын құжаттар пакеті (I-864, I-864A, I-864P, I-865 формалары)

Әр түрлі ұлттарға арналған иммиграциялық виза бағдарламасы

DV-2022 бағдарламасына қатысу үшін E-DV жүйесі өтініштерді қабылдауды шығыс күндізгі уақыты (EDT) бойынша 2020 жылдың 7 қазаны, сәрсенбі күні сағат 12:00  бастап, шығыс стандартты уақытына (EST) сәйкес  2020 жылдың 10 қарашасында, сейсенбі күні сағат 12:00-де тіркеуді тоқтатады. Жүйенің өте жоғары сұраныстың салдарынан тоқтап қалуын болдырмау үшін бағдарламаға қатысушыларды ертерек өтініш беруге шақырамыз.

Жыл сайын Мемлекеттік департамент әр аймақ пен мемлекетке бөлінген  әр түрлі ұлттарға арналған визаны (Diversity Visa)  тіркелген өтініш берушілер арасында кездейсоқ таңдау әдісімен іріктеу өткізеді.

2021 жылдың 8 мамырынан бастап the Electronic Diversity Visa (E-DV) веб-сайтындағы Entrant Status Check арқылы  өтініштерді тексеру ақпараты жаңартылып, қатысушылар онлайн-өтініштері іріктеуден өткенін не өтпегенін біле алады. Оны тексеру үшін өтінішті толтырған кезде алған растау нөмірін енгізу керек. Растау нөмірін жоғалтқан жағдайда өтінішіңізді тексере алмайсыз. Растау нөмірін қайта жіберуге мүмкіндігіміз жоқ. Назар аударыңыз: Мемлекеттік департамент электрондық поштаға ұтыс туралы хат немесе хабарлама жібермейді. АҚШ–тың елшіліктері мен консулдықтары жеңімпаз қатысушылардың тізімін көрсетпейді. Мемлекеттік департаменттің іріктелген үміткерлерге хабарлама жіберетін ЖАЛҒЫЗ құралы – ол сайт арқылы қатысушы мәртебесін тексеру .

Diversity Visa 2021 бағдарламасының қатысушылары өз өтініштерін  2020 жылдың 6 маусымы мен 2021 жылдың 30 қыркүйегі аралығында E-DV веб-сайтынан дейін тексере алады.

Diversity Visa 2022 бағдарламасының қатысушылары өз өтініштерін  2020 жылдың 8 мамыры мен 2022 жылдың 30 қыркүйегі аралығында E-DV веб-сайтынан дейін тексере алады.

Өтініш таңдалған жағдайда, Сіз автоматты түрде растау парақшасына өтесіз де керекті нұсқаулар, оның ішінде Америка Құрама Штаттарына иммиграцияға байланысты төлемдер жөнінде ақпарат ала аласыз. Іріктелген кісілер ұтыс туралы ақпаратты ТЕК қатысушы мәртебесін тексеру арқылы біле алады. Мемлекеттік департамент жеңімпаздарға хабарлама немесе электрондық поштаға ескерту жібермейді, сонымен қатар АҚШ-тың елшіліктері мен консулдықтары жеңімпаз қатысушылар тізімін жарияламайды. Іріктеуден өтпеген қатысушылар да өтініштері туралы ақпаратты ТЕК қатысушы мәртебесін тексеру арқылы ала алады. Қатысушы мәртебесін өздеріңіз тексеруді және өзге біреудің Сіздің орныңызға тексеріп, хабарлайтынына сенбеуді сұраймыз.

Бағдарламаның толық ережелерімен танысу үшін және үміткерлердің жиі қойылатын сұрақтарына жауап алу үшін DV нұсқаулығын қараңыз.

DV бағдарламасына байланысты жалған электрондық хаттар мен хабарламалар жіберетін алаяқтардан абай болыңыздар!

АҚШ-тың Қазақстандағы Елшілігі Қазақстан Республикасының азаматтары мен резиденттеріне АҚШ-қа виза алу, атап айтқанда, DV иммиграция визасын алу мақсатында жеке адамдармен жұмыс жасауда сақтық танытуыңыздың қажет екенін ескертеді. Елшілік алаяқтық жолмен делдалдық етушілер, виза қызметін ұсынатын электрондық хаттар, веб-сайттар, телефонға қоңырау шалулар, СМС және баспасөз жарнамалары туралы хабарламаларды жүйелі түрде қадағалайды. Бұл адамдардың АҚШ-тың Қазақстандағы Елшілігіне қатысы жоқ, Елшілік аталған қызметтердің ешқайсысымен қолдамайды, куәландырмайды, мақұлдамайды.  Алаяқтар туралы қосымша ақпарат алу үшін Diversity Visa Scams веб-парақшасын қараңыздар. Алаяқтардың құрбаны болып қалмаңыздар!

Usvisas.state.gov веб-сайтындағы Diversity Visa рәсімдерін аяқтағаннан кейін, атап айтқанда иммиграциялық визаны алуға қатысты (DS-260) сауалнамасын  тапсырғаннан кейін, сізге Кентукки консулдық орталығы (KCC) сұхбат жоспарланғандығы туралы электрондық хат жіберуі мүмкін. Электрондық хат сұхбат белгіленген күнді, уақытты және орналасқан жерді көру үшін Растау нөмірін қолданып E-DV веб-сайтындағы қатысушының мәртебесін тексеруге кіруге нұсқау береді.

Сұхбаттасу процесі туралы қосымша ақпаратты usvisas.state.gov  сайтындағы E-DV парақшасынан тексере алады.

K1 визалары АҚШ азаматтарының күйеулеріне/қалыңдықтарына некеге тұру үшін АҚШ-қа келуіне мүмкіндік береді. Неке қию елге келгеннен кейін 90 күн ішінде жасалуы керек. Күйеудің/қалыңдықтың балаларына K2 визалары беріледі.

АҚШ азаматы АҚШ-тағы өзінің тұрғылықты жері бойынша АҚШ Иммиграциялық қызметінің бөліміне I-129F петициясын беруі керек.Егжей-тегжейлі ақпаратты АҚШ Иммиграциялық қызметінің веб-сайтынан қараңыз.

АҚШ Иммиграциялық қызметінің бөлімі петицияны мақұлдағаннан кейін, ол әкімшілік рәсімдеу үшін Ұлттық виза орталығына жіберіледі. Ұлттық виза орталығы істі нөмірлеп, істі Алматы қаласындағы АҚШ Бас Консулдығының консулдық бөліміне жолдайды. Ісіңіздің күйін білу үшін,nvcinquiry@state.gov мекен-жайына хат жіберуге немесе 6033340700 нөміріне телефон шалуға болады.

Консулдық бөлім петицияны алғаннан кейін, сұхбат алынатын күн белгіленеді. Шақыру хат пен сұхбатқа дайындалу туралы нұсқаулар электрондық пошта арқылы жіберіледі.

Иммигранттық емес визалар бойынша анықтама алу үшін:

Апта күндері: Дүйсенбі – Жұма
Уақыты: 8.00 – 20.00
Телефон: 8 800 100 2554; 7 727 3218081
E-mail: support-kazakhstan@ustraveldocs.com

Иммигранттық визалар бойынша анықтама алу үшін:

Апта күндері: Дүйсенбі, сәрсенбі
Уақыты: 9:00 – 12:00
Телефон: 7 727 2504900

Барлық басқа сұрақтар бойынша usakz@state.gov мекенжайына электрондық хат жіберіңіздер

Астанадағы мекенжай:

Қазақстан Республикасы, Астана қаласы 010010,
Рахымжан Қошқарбаев даңғылы,
№ 3 ғимарат
Кіретін есік Тәуелсіздік көшесі жағында

Алматыдағы мекенжай:

Қазақстан Республикасы, Алматы қаласы 050059,
«Самал-2» шағын ауданы,
Жолдасбеков көшесі, 97
Ғимаратқа A2 есігінен кірсеңіз,
сізді Консулдық бөлімге ертіп апарады

Сауалнаманы жүктеп алу (PDF 38 КБ)

Бірнеше минут уақытыңызды бөліп, Қазақстандағы АҚШ Елшілігінің консулдық бөліміне барғаныңызға/онымен жұмыс істегініңізге қатысты осы сауалнаманы толтыруыңызды өтінеміз. Берген жауаптарыңыз көрсететін қызметтеріміздің сапасын жақсартуға септігін тигізбек.

Сауалнаманы мына факс нөмірі бойынша:

+7(727) 250-48-84

немесе мына электрондық пошта арқылы жіберуіңізге болады:

usakz@state.gov

Көмектескеніңіз үшін рақмет,

Қазақстандағы АҚШ Елшілігінің консулдық бөлімі.