Иммигранттық визалар

Иммигранттық визалар

Иммигранттық виза, Америка Құрама Штаттарында жұмыс істеу жоспарында бар-жоғына қарамастан, Америка Құрама Штаттарына тұрақты тұру үшін кіргісі келетін кез келген адамға қажет. АҚШ Елшілігінің Алматы қаласындағы Консулдық бөлімі Қазақстан, Қырғызстан және Тәжікстан азаматтарына виза рәсімдейді.

Жалпы санаттар

АҚШ иммиграция туралы заңында иммигранттық визалар беру үшін төрт жалпы санат қарастырылған:

  • Отбасылық иммиграция: АҚШ азаматының жұбайы, ата-анасы, 21 жасқа толмаған баласы, 21 жасқа толған ұлы/қызы, бауыры және АҚШ-тың заңды тұрақты резидентінің жұбайы, ата-анасы, 21 жасқа толмаған баласы, 21 жасқа толған ұлы/қызы;
  • Жұмыс иммиграциясы: белгілі бір жұмысқа алу критерийлеріне сай жұмысшылар;
  • Әртүрлі ұлттарға арналған виза бағдарламасы бойынша иммиграция: «Грин кард» лотереясы деген атпен де белгілі;
  • Күйеу/қалыңдық: АҚШ-қа некеге тұру үшін кіруге берілетін виза.

Әртүрлі виза санаттары туралы толығырақ ақпарат алу үшін, АҚШ Мемлекеттік департаментінің сайтына немесе АҚШ Азаматтық және иммиграция қызметінің (USCIS) сайтына кіріңіз.

Егер Алматыда қаралатын босқын мәртебесін алу туралы ісіңіз болса, АҚШ Бас Консулдығының консулдық бөліміне usakz@state.govэлектрондық поштасы арқылы хабарласыңыз

Иммигрантық виза алу төмендегідей қадамдарды  қамтиды:

1-қадам – Петиция беру

АҚШ азаматы немесе АҚШ тұрақты резиденті шетелдік туысы үшін петиция берушінің АҚШ-тағы тұрғылықты жері бойынша  АҚШ Азаматтық және иммиграция қызметінің бөлімшесіне I130 петициясын береді. Қазақстанда тұратын петиция берушілер бұдан былай шетелдік туыстары үшін I-130 петицияларын бұрынғыдай Астана мен Алматы қалаларындағы АҚШ Елшілігі мен Консулдығына бере алмайды.Қазақстанда тұратын петиция берушілер 2011 жылдың 15 тамызынан бастап I-130 формаларын Иммиграциялық қызметтің Чикагодағы пошта жәшігіне жіберулері керек.  Астана мен Алматы қалаларындағы консулдық бөлімдер I-130 петицияларын тек ерекше жағдайларда қабылдайды.

Иммиграциялық қызметтің Чикагодағы әдеттегі поштаға арналған жәшігі:

USCIS
P.O. Box 804625
Chicago, IL 60680-4107

Иммиграциялық қызметтің Чикагодағы жедел және курьерлік поштаға арналған жәшігі:

USCIS
Attn: I-130
131 South Dearborn-3rd Floor
Chicago, IL 60603-5517

Иммиграциялық қызметтің Чикагодағы пошта жәшігіне I-130 формасын жіберу туралы қосымша ақпарат алу үшін Иммиграциялық қызметтің веб-сайтын қараңыз немесе Иммиграциялық қызметке 1-800-375-5283 нөмірі бойынша телефон шалыңыз.

Ерекше жағдайларда АҚШ Иммиграциялық қызметі жоқ кезде АҚШ Елшіліктеріне немесе Консулдықтарына петицияларды беру:

2011 жылдың 15 тамызынан бастап АҚШ Иммиграциялық қызметінің аймақтық бөлімшесі жоқ елде тұратын, бірақ жағдайлары ерекше қарауды талап етеді деп есептейтін петиция берушілер Елшіліктегі немесе Консулдықтағы консулдық бөлімдердің берілген құжаттарды қабылдауына ерекше рұқсат берілуіне өтініш білдіре алады. Әр ерекшелік жасау туралы өтініш жеке бағаланады.

Астана немесе Алматы қаласындағы консулдық бөлімдерге I-130 формасының берілуін сұраған петиция беруші Консулдық бөлімге хабарласып (usakz@state.gov), ерекшелік жасау туралы өтініштің қаралуын сұрап, мән-жайларды толық түсіндіргені жөн. Содан кейін, Консулдық бөлім ерекшелік жасау туралы өтінішті Мәскеудегі АҚШ Иммиграциялық қызметінің аймақтық бөлімшесіне жолдайды. Іске шынымен жалпы құжат тапсыру процесінен беру керектігін немесе керек еместігін АҚШ Иммиграциялық қызметі анықтайды. Толығырақ ақпарат алу үшін, АҚШ Иммиграциялық қызметінің сайтына кіріңіз.

2-қадам – Ұлттық виза орталығы

Петицияны АҚШ-тағы Иммиграциялық қызмет бөлімі мақұлдағаннан кейін, ол әкімшілік рәсімдеу жұмыстары үшін Ұлттық виза орталығына (ҰВО) жіберіледі. Ұлттық виза орталығы істі нөмірлеп, Алматы қаласындағы АҚШ Бас Консулдығының консулдық бөлімінде иммигранттан виза үшін сұхбат алынатын күнді белгілейді. Ісіңіздің күйін білу үшін, nvcinquire@state.gov мекен-жайына хат жіберуге немесе 6033340700 нөміріне телефон шалуға болады.

3-қадам – Сұхбат

Сұхбатқа дайындалу үшін, өтініш беруші қажетті құжаттарды жинап, медициналық тексеруден өтуі керек. Егжей-тегжейлі нұсқауларды (PDF 1MБ) мына жерден қараңыз.

Форма                             Сипаттамасы

DS-156                           Иммигранттық емес визаға өтініш беру
DS-156K  (PDF, 56 КБ)   Иммигранттық емес күйеу/қалыңдық визасына өтініш беру
DS-230    (PDF, 230)      Иммигранттық виза мен шетелдікті тіркеуге өтініш беру
DS-1981 (PDF, 175 КБ)    Асырап алынған балаға вакцина егілгені туралы аффидевит
ETA-750                          Жұмыс орнына анықтама
G-325A   (PDF, 567 КБ)   Сауалнамалық мәліметтер формасы
I-129F  (PDF, 201 КБ)     Шетелдік күйеу/қалыңдық үшін петиция
I-130 (PDF, 201 КБ)        Шетелдік туыс үшін петиция
I-134 (PDF, 113 КБ)        Қаржылық қолдауды растау
I-140 (PDF, 200 КБ)        Шетелдік жұмысшы үшін иммигранттық петиция
I-360 (PDF, 311 КБ)        Әкесі американдық азиат, жесір немесе арнайы иммигрантқа арналған петиция
I-526 (PDF, 49 КБ)          Шетелдік кәсіпкердің иммигранттық петициясы
I-600 (PDF, 1129 КБ)      Жетім баланы тікелей туыс деп тану туралы петиция
I-600A (PDF, 1097 КБ)    Жетім петициясын алдын ала өңдеу туралы өтініш
I-604 (PDF, 218 КБ)       Шет елдерден жетім балалар іздеу есебін алу туралы өтініш
I-864 (PDF, 339 КБ)      Қаржылық қолдауды растайтын құжаттар пакеті (I-864, I-864A, I-864P, I-865 формалары)

Diversity Visa 2017 бағдарламасына қатысуға тіркелу

Diversity Visa 2017 (DV – 2017) бағдарламасына қатысу үшін өтініштерді қабылдау 2015 жылдың 1-қазанында шығыс белдеуінің уақытымен (GMT – 4) сағат 12:00-де басталып, 2015 жылдың 3-қарашасында шығыс белдеуінің уақытымен (GMT – 4) сағат 12:00-де аяқталады. Тіркеу кезіндегі өтініштер www.dvlottery.state.gov сайтында DV (E-DV) электронды түрде өтініш беру арқылы қабылданады. Қағаз түрінде берілген өтініштер қарастырылмайды. Үміткерлер өтініш-сауалнамаларын толтырғаннан кейін өздерінің парақшаларын басып шығарып, өтініштерінің өңделгенін не өңделмегенін тексеру үшін онлайн-растау парақшасын сақтап қоюлары тиіс. Үміткерлерден тіркеудің соңғы аптасына дейін созбай, өз өтініштерін қазірден бастап берулерін өтінеміз. Себебі күнделікті өтініштердің бірден ағылып келуі веб-сайттың жұмысын айтарлықтай тежеуі мүмкін. Өтініштер тек шығыс белдеу уақытымен 2015 жылдың 3-қарашасы сағат 12:00-ге дейін қабылданады.

Үміткерлерді іріктеуде қойылатын қатаң бірақ оңай талаптардан өткендерге DV бағдарламасы аясында визалар беріледі. Diversity Visа лотереясын ұтып алғандар компьютерлік әдіспен кездейсоқ таңдау арқылы  анықталады. Визалар алты географиялық аймақ бойынша беріледі: көші-қон деңгейі жоғары өңірлерге ең аз мөлшерде визалар беріледі, ал өткен бес жылдың ішінде 50 000-нан астам азаматтарын АҚШ-қа жіберген елдерге визалар мүлдем берілмейді. Талаптарға сәйкес ешбір мемлекет бір жыл ішінде Diversity бағдарламасы бойынша бөлінген барлық визалардың жеті пайызынан артығын иемдене алмайды.

Төмендегі елдердің азаматтарына DV-2017 бағдарламасына қатысуға рұқсат етілмейді, өйткені көрсетілген елдер  соңғы бес жыл ішінде 50 000-нан астам  иммигрант Америка Құрама Штаттарына жіберілді:

БАНГЛАДЕШ, БРАЗИЛИЯ, ВЬЕТНАМ, ГАИТИ, ДОМИНИКАНА РЕСПУБЛИКАСЫ, ҮНДІСТАН, КАНАДА, ҚЫТАЙ (құрлықтағы аймақта туылғандар), КОЛУМБИЯ, МЕКСИКА, НИГЕРИЯ, ПӘКІСТАН, ПЕРУ, САЛЬВАДОР, ҰЛЫБРИТАНИЯ БІРІККЕН КОРОЛЬДІГІ (Солтүстік Ирландиядан басқа) және іргелес территориялары, ФИЛИППИН, ЭКВАДОР, ОҢТҮСТІК КОРЕЯ және ЯМАЙКА.

Көптеген жағдайларда жеке тұлғаның  қайда тұратыны мен қай елдің азаматы екендігіне қарамастан оның дүниеге келген мемлекеті  оның «туған мемлекеті» болып саналады. Гонконгта, Макаода және Тайваньда туылған тұлғалар лотерея ұтысына қатыса алады.

DV-2005 бағдарламасынан бастап АҚШ Мемлекеттік департаменті тіркеудің электронды жүйесін пайдаланады, соның арқасында Diversity Visa лотерея ұтысында жеңімпаз атанғандарды анықтау үдерісі едәуір тиімді нәтижелер көрсетті. Заңсыз көші-қон мақсатында алаяқтық әрекеттерді және бір реттен артық өтініш бергендерді әшкерелеу үшін біз арнайы технологиялар мен басқадай құралдарды пайдаланамыз.

АҚШ Мемлекеттік департаменті DV-2017 бағдарламасы аясында  лоторея ұтып алғанүміткерлерді хабардар ету, өтініштер беру туралы және  иммиграциялық  виза алу үшін сұхбаттан өту үдерісі туралы мәліметтерді  онлайн режимінде жүргізеді. 2016 жылдың 3-мамырынан бастап DV-2017 лотерея ұтысына қатысушылар тіркелген кезде алған арнайы растау нөмірі арқылы өтініштерінің өңделгенін немесе өңделмегенін Интернеттен https://www.dvlottery.state.gov/ сайтындағы Entry Status Check («Өтініштің жай-күйін тексеру») бөлімінен қарап тексере алады.  DV-2017 бағдарламасы бойынша лоторея ұтып алған үміткерлер және олардың  іріктеу талаптарына сәйкес келген жанұя мүшелері иммиграциялық виза алуға өтініш беру туралы нұсқаулықтарды Entry Status Check бөлімінен ала алады.

Үміткерлерге қойылатын талаптар жайында қосымша ақпаратты, сонымен қатар DV бағдарламасы жайында жиі қойылатын сұрақтарға жауаптардыhttp://travel.state.gov/content/visas/en/immigrate/diversity-visa/instructions.html сілтемесінен алуға болады (DV-2017 Diversity Visa бағдарламасына қатысу жөніндегі нұсқаулықтар).

K1 визалары АҚШ азаматтарының күйеулеріне/қалыңдықтарына некеге тұру үшін АҚШ-қа келуіне мүмкіндік береді. Неке қию елге келгеннен кейін 90 күн ішінде жасалуы керек. Күйеудің/қалыңдықтың балаларына K2 визалары беріледі.

АҚШ азаматы АҚШ-тағы өзінің тұрғылықты жері бойынша АҚШ Иммиграциялық қызметінің бөліміне I-129F петициясын беруі керек.Егжей-тегжейлі ақпаратты АҚШ Иммиграциялық қызметінің веб-сайтынан қараңыз.

АҚШ Иммиграциялық қызметінің бөлімі петицияны мақұлдағаннан кейін, ол әкімшілік рәсімдеу үшін Ұлттық виза орталығына жіберіледі. Ұлттық виза орталығы істі нөмірлеп, істі Алматы қаласындағы АҚШ Бас Консулдығының консулдық бөліміне жолдайды. Ісіңіздің күйін білу үшін,nvcinquiry@state.gov мекен-жайына хат жіберуге немесе 6033340700 нөміріне телефон шалуға болады.

Консулдық бөлім петицияны алғаннан кейін, сұхбат алынатын күн белгіленеді. Шақыру хат пен сұхбатқа дайындалу туралы нұсқаулар электрондық пошта арқылы жіберіледі.

Иммигранттық емес визалар бойынша анықтама алу үшін:

Апта күндері: Дүйсенбі – Жұма
Уақыты: 8.00 – 20.00
Телефон: 8 800 100 2554; 7 727 3218081
E-mail: support-kazakhstan@ustraveldocs.com

Иммигранттық визалар бойынша анықтама алу үшін:

Апта күндері: Дүйсенбі, сәрсенбі
Уақыты: 9:00 – 12:00
Телефон: 7 727 2504900

Барлық басқа сұрақтар бойынша usakz@state.gov мекенжайына электрондық хат жіберіңіздер

Астанадағы мекенжай:

Қазақстан Республикасы, Астана қаласы 010010,
Рахымжан Қошқарбаев даңғылы,
№ 3 ғимарат
Кіретін есік Тәуелсіздік көшесі жағында

Алматыдағы мекенжай:

Қазақстан Республикасы, Алматы қаласы 050059,
«Самал-2» шағын ауданы,
Жолдасбеков көшесі, 97
Ғимаратқа A2 есігінен кірсеңіз,
сізді Консулдық бөлімге ертіп апарады

Сауалнаманы жүктеп алу (PDF 38 КБ)

Бірнеше минут уақытыңызды бөліп, Қазақстандағы АҚШ Елшілігінің консулдық бөліміне барғаныңызға/онымен жұмыс істегініңізге қатысты осы сауалнаманы толтыруыңызды өтінеміз. Берген жауаптарыңыз көрсететін қызметтеріміздің сапасын жақсартуға септігін тигізбек.

Сауалнаманы мына факс нөмірі бойынша:

+7(727) 250-48-84

немесе мына электрондық пошта арқылы жіберуіңізге болады:

usakz@state.gov

Көмектескеніңіз үшін рақмет,

Қазақстандағы АҚШ Елшілігінің консулдық бөлімі.